ԵՐԵՎԱՆ, 12 հունվարի — Sputnik. Հայաստանի մարդու իրավունքների առաջին պաշտպան Լարիսա Ալավերդյանը կարծում է, որ Կարեն Անդրեասյանի հրաժարականը «հոգեբանական ճնշման արդյունք է»։
Հայաստանի մարդու իրավունքների պաշտպան Կարեն Անդրեասյանն այսօր հրաժարականի դիմում է ներկայացրել։ Նա շնորհակալություն է հայտնել բոլոր գործընկերներին համատեղ աշխատանքի համար և հույս հայտնել, որ մարդու իրավունքների պաշտպանությունը կշարունակի մնալ պետության և հասարակության առաջնահերթությունը:
«Սա ճնշում է Հանրապետական կուսակցության որոշ անդամների կողմից: Մյուս կողմից ես համոզված եմ, որ դա լավագույն ելքը չէր: Պետք էր դիմանալ և աշխատել, որովհետև մարդու իրավունքների պաշտպանի աշխատանքը պահանջում է շատ դիմադրողականություն»,- Sputnik Արմենիային ասաց Լարիսա Ալավերդյանը և ավելացրեց, որ դիմումին ընթացք կտրվի համաձայն օրենքի կետի, և հրաժարականը կընդունվի 30-40 օրվա ընթացքում:
