ԵՐԵՎԱՆ, 12 հունվարի — Sputnik. Հայաստանի մարդու իրավունքների պաշտպան Կարեն Անդրեասյանը հրաժարականի դիմում է ներկայացրել, հաղորդվում է օմբուդսմենի Facebook-ի էջում:
Պաշտպանը շնորհակալություն է հայտնել բոլոր գործընկերներին համատեղ աշխատանքի համար և հույս հայտնել, որ մարդու իրավունքների պաշտպանությունը կշարունակի մնալ մեր պետության և հասարակության առաջնահերթությունը:
Հաղորդագրության մեջ նշվում է, որ այս կապակցությամբ այլ մեկնաբանություններ չեն լինելու:
Անդրեասյանն այս պաշտոնը զբաղեցնում է 2011 թվականի մարտից։ Մինչ այդ 2006 թվականից մարդու իրավունքների պաշտպանի պաշտոնը զբաղեցնող Արմեն Հարությունյանը հեռացել էր պաշտոնից փետրվարին` դիվանագիտական աշխատանքի անցնելու կապակցությամբ։
