Միանգամից զգացվում է, որ շեֆ խոհարար Սուսաննան և մյուս խոհարարները համեղ և ոչ այնքան ավանդական տոլման հատուկ տրամադրությամբ են պատրաստում. կատակում են, հետաքրքիր պատմություններ, անեկդոտներ պատմում, երբեմն` երգում։
Sputnik Արմենիա պորտալը հյուրընկալվել էր իրենց գործի իսկական վարպետներին: Չորս խոհարար, որոնք ամեն օր տոլմայի տարբեր տեսակներ ու այլ ճաշատեսակներ են պատրաստում։ Կապեք ամրագոտիներն ու մեզ հետ ընկղմվեք խոհարարության կախարդական աշխարհ։ Նոր տարվա նախաշեմին խոհարարները շատ զբաղված են, նրանք բառացիորեն խեղդվում են աշխատանքի մեջ։
Dolmama ռեստորանի մաքուր ու կոկիկ խոհանոցում պատրաստում են համանուն ճաշատեսակը։ Այդ հաստատության ֆիրմային տոլման տարբերվում է ավանդական տոլմայից։ Այդ ճաշատեսակի ներսում պարզապես աղացած միս չէ բրնձով և համեմունքներով, այլև տավարի փափկամիս։ Հենց դա է տոլմային յուրահատուկ և անսովոր համ հաղորդում։
