ԵՐԵՎԱՆ, 28 դեկտեմբերի — Sputnik. Հայաստանի Հանրապետության տարածքում գտնվող Հարավային ռազմական օկրուգի ռուսական ռազմակայանում գործող Ռուսաստանի պաշտպանության նախարարության դպրոցում նոր հոգևոր-լուսավորչական մարզահամալիր է բացվել, հայտնում է ՀՌՕ-ի մամուլի ծառայությունը։
Ժամանակակից համալիրը բացվել է միավորման հրամանատարության նախաձեռնությամբ։ Ռազմականացված խմբակում պարապմունքներ են անցկացնում զինծառայողների 5-16 տարեկան երեխաները` Զորամիավորման հրամանատարի` հավատացյալ զինծառայողների հետ աշխատանքի գծով օգնական, վանահայր Անդրեյի (Վաց) ղեկավարությամբ։
Բացման հանդիսավոր արարողությանը ներկա են եղել ժամանակակից ռազմական համալիրի հրամանատարությունը, միավորման զինծառայողները, ուժային կառույցների, Ռուսաստանի և Հայաստանի դիվանագիտական կորպուսի ներկայացուցիչները, զինծառայողների ընտանիքների անդամները։
Երեխաների հետ մարտարվեստի և դպրոցականների ռազմական ու հոգևոր դաստիարակության առաջին դասերը կանցկացվեն 2016 թվականի հունվարից։
