ԵՐԵՎԱՆ, 28 դեկտեմբերի– Sputnik. ԳԴՀ կանցլեր Անգելա Մերկելը դարձել է 2015թ.–ի ամենաազդեցիկ մարդը Ֆրանս Փրես գործակալության վարկածով, ՌԴ նախագահ Վլադիմիր Պուտինը վարկանիշում զբաղեցրել է երկրորդ հորիզոնականը։
Գործակալությունը նշում է, որ իրենց լրագրողներն ընտրել են Մերկելին` որպես անցնող տարվա առավել ազդեցիկ անձ Եվրամիությունում միգրացիոն ճգնաժամի լուծման և Հունաստանի պետական պարտքի հարցում ունեցած ավանդի համար։ Մերկելը Time ամսագրի վարկածով նույնպես դարձել էր տարվա ամենաազդեցիկ մարդը։
ՌԴ նախագահ Վլադիմիր Պուտինը երկրորդ տեղն է զբաղեցրել մարդկանց ցուցակում, որոնք Ֆրանս Փրես գործակալության լրագրողների կարծիքով` 2015թ.–ին առավել մեծ ազդեցություն են ունեցել համաշխարհային գործընթացների վրա
Քվեարկությանը մասնակցել են գործակալության տարբեր երկրների խմբագրությունների աշխատակիցները։ Աշխարհի երրորդ ազդեցիկ մարդը Հռոմի պապ Ֆրանցիսկոսն է, չորրորդ տեղում փարիզցիներն են, որոնք գործակալության կողմից նշվել են հունվարի 7–ի և նոյեմբերի 13–ի ահաբեկչական գործողություններից հետո համախմբվածության համար։
Հատկանշական է, որ վարկանիշում հինգերորդ տեղը զբաղեցնում է «Իսլամական պետություն» ահաբեկչական խմբավորման առաջնորդ Աբու Բաքր Ալ Բաղդադին։
Հատկանշական է, որ վարկանիշում հինգերորդ տեղը զբաղեցնում է «Իսլամական պետություն» ահաբեկչական խմբավորման առաջնորդ Աբու Բաքր Ալ Բաղդադին։
