ԵՐԵՎԱՆ, 9 դեկտեմբերի- Sputnik. Ֆեյսբուք սոցիալական ցանցի համահիմնադիր, ամենաերիտասարդ միլիարդատեր, օրեր առաջ հայր դարձած Մարկ Ցուկերբերգը հրապարակել է իր և նորածին դստեր լուսանկարը:
Ցուկերբերգը մակագրել է լուսանկարը. «Երջանկության մեջ եմ փոքրիկ Մաքսի հետ»:
Ավելի վաղ Մարկ Ցուկերբերգը դստեր ծնվելու կապակցությամբ նամակ էր գրել նրան և հայտարարել, որ ինքն ու կինը` Պրիսցելա Չանը, պատրաստվում են Ֆեյսբուքի բաժնետոմսերի 99%-ը նվիրաբերել, որպեսզի աշխարհն ավելի լավը դառնա։
