ԵՐԵՎԱՆ, 6 դեկտեմբերի — Sputnik. Ինչպես հայտնում է news.am-ը, նա նշել է, որ վաղ առավոտից իրենք արձանագրել են մի շարք խախտումներ, մասնավորապես` թիվ 7/23 ընտրատեղամասում ինչ-որ խմորեղենի արտադրության աշխատակիցներ են եկել քվեարկելու, որը կասկածելի է, թիվ 7/22 տեղամասում կանխվել է առանց ստորագրության քվեարկելու փորձը, թիվ 7/33 տեղամասի դիմաց կայանված «Գազել»-ում քաղաքացիներին գումար են բաժանել, թիվ 7/27 ընտրատեղամասում քվեաթերթիկը տրվել է առանց ստորագրության, իսկ 16/42 տեղամասում (Խարբերդ) լցոնում է տեղի ունեցել:
«Սպասելի էր, որ այս քվեարկությունը կեղծիքներով է անցնելու եւ ոչ մի լեգիտիմություն ունենալ չի կարող: Իշխանությունները դիմում են տարբեր կեղծիքներ, ցավոք այս ծառը բարի պտուղ չի տալիս»,-ասել է Արմեն Մարտիրոսյանը՝ հավելելով, որ հանձնաժողովի անդամների եւ վստահված անձանց նկատմամբ ճնշումներն ավելացել են:
«Ես 1996-ից ընտրական հանձնաժողովի անդամ եմ, երբևէ չեմ հիշում, որ այսպիսի ճնշումներ ու գայթակղություններ լինեն հանձնաժողովի անդամների նկատմամբ: Կրիմինալի մասնակցությամբ լցոնումներ են տեղի ունենում: Ինչ կեղծիք արվում է, արվում է տեղամասերում»,-ընդգծել է նա:
