ԵՐԵՎԱՆ, 5 դեկտեմբերի — Sputnik. Միլիոնատեր Դեն Բիլզերյանը, որը հարստացել է պոկեր խաղալով և ինքն իրեն պոկերի Բիլ Գեյթս է անվանում, Instagram-ի իր էջում գրել է, որ պատրաստվում է իր կյանքի մասին մուլտֆիլմ նկարահանել:
«Հանդիպում Լոս Անջելեսում։ Պատրաստվում եմ իմ կյանքի մասին մուլտֆիլմ նկարահանել, և ես եմ վճարելու եմ դրա դիմաց, հետևաբար որևէ մեկը չի կարող գրաքննության ենթարկել…»,- գրել է Դենը։
Հիշեցնենք, որ սուր զգացողությունների սիրահար Բիլզերյանը հայտարարել էր, որ պատրաստվում է սեփական թեկնածությունն առաջադրել ԱՄՆ-ի նախագահի պաշտոնում: Այդ հայտարարությունից հետո որոշ լրատվամիջոցներ գրեցին, որ նա լիովին կարող է հասնել իր նպատակին, քանի որ միայն Instagram-ի նրա էջին հետևողների թիվը համարյա 15 միլիոնի է հասնում:
