ԵՐԵՎԱՆ, 27 նոյեմբերի – Sputnik. Մոսկվան կարծում է, որ Անկարան անցել է թույլատրելիի սահմանը, ինչը կարող է թուրքիային կանգնեցնել բարդ իրավիճակի առջև, հայտարարել է ՌԴ ԱԳՆ ղեկավար Սերգեյ Լավրովը, հաղորդում է ՌԻԱ Նովոստին։
«Մենք կարծում ենք, որ Թուրքիայի ղեկավարությունն անցել է թույլատրելի բոլոր սահմանները, և վտանգ կա, որ Թուրքիան ծանր իրավիճակում կհայտնվի, ինչը կարող է բարդ վիճակ ստեղծել ինչպես երկարատև ազգային շահերի, այնպես էլ տարածաշրջանում առկա իրադրության տեսանկյունից», – ասել է Լավրովը` սկսելով բանակցությունները Սիրիայի ԱԳՆ ղեկավար Վալիդ Մուալեմի հետ։
Նոյեմբերի 24-ին Սիրիայում ռուսական Սու-24 ռմբակոծիչ էր վթարվել: Ռուսաստանի նախագահ Վլադիմիր Պուտինը հայտարարել էր, որ ինքնաթիռը խոցվել է սիրիական տարածքում թուրքական F-16-ի կողմից և ընկել Թուրքիայի սահմանից 4 կմ հեռավորության վրա:
