ՌԴ նախագահ Վլադիմիր Պուտինը Կրեմլում հավատարմագրեր հանձնելու արարողության ժամանակ նշել է, որ մինչև հիմա Անկարան ներողություն չի խնդրել թուրքական ՌՕՈՒ-ի կողմից կործանված Սու-24-ի հետ կապված միջադեպի համար
Թուրքական ՌՕՈՒ կողմից կործանված ռուսական Սու-24-ի հետ կապված միջադեպը հակասում է միջազգային իրավունքին, Անկարան մինչև հիմա հստակ հայտարարություններ չի արել, հայտարարել է ՌԴ նախագահ Վլադիմիր Պուտինը։
«Այն, ինչ տեղի է ունեցել երկու օր առաջ Սիրիայի օդային տարածքում, հակասում է առողջ դատողությանն ու միջազգային իրավունքին։ Ինքնաթիռը կործանվել է սիրիական տարածքում։ Մինչև հիմա մենք Թուրքիայի քաղաքական վերնախավից չենք լսում ո՛չ հստակ ներողություններ, ո՛չ վնասը հատուցելու առաջարկներ, ո՛չ մեղավորներին պատժելու խոստումներ»,- ասել է նա։
Նոյեմբերի 24-ին Սիրիայում ռուսական Սու-24 ռմբակոծիչ էր վթարի ենթարկվել: Ռուսաստանի նախագահ Վլադիմիր Պուտինը հայտարարել էր, որ ինքնաթիռը խոցվել է սիրիական տարածքում թուրքական F-16-ի կողմից և ընկել Թուրքիայի սահմանից 4 կմ հեռավորության վրա: Ռուսաստանի նախագահն այս դեպքը «թիկունքից հասցված հարված» էր որակել։
