ԵՐԵՎԱՆ, 24 նոյեմբերի — Sputnik. Որոշ ներգաղթյալներ, որոնց թույլ չեն տալիս Հունաստանից Մակեդոնիա գնալ, կարել են իրենց բերանները` բողոքելով Եվրամիության միգրացիոն քաղաքականության դեմ, հայտնում է Բի-բի-սին:
Ցուցարարները, որոնք հիմնականում Իրանից են, նստել են երկաթուղային կայարանում` կանգնեցնելով երթևեկությունը երկու պետությունների միջև: Այնուհետև նրանց են միացել Բանգլադեշից և Մարոկկոյից եկած փախստականները:
Նոյեմբերի 18-ի երեկոյից Սլովենիան, Խորվաթիան, Սերբիան և Մակեդոնիան սկսել են թույլ տալ միայն պատերազմական երկրներից ժամանածների մուտքը, այն է` Աֆղանստանից, Իրաքից և Սիրիայից եկածներին: Մյուսները ճանաչվել են «տնտեսական ներգաղթյալներ», նրանց մերժել են մուտք գործել Արևմտյան Եվրոպա:
Ներգաղթյալների «ընտրությունը» խստացվել է հատկապես այն բանից հետո, երբ Փարիզում իրեն պայթեցրած ահաբեկչի մոտ սիրիական անձնագիր է հայտնաբերվել։
Իդոմենիի մոտակայքում հունական կողմից տասնյակ վրաններ են տեղադրվում, որտեղ մարդիկ կարող են գիշերել և տաքանալ: Հունական իշխանությունը մինչև Աթենք մարդկանց անվճար ավտոբուսներ և իրենց երկիր վերադառնալու հնարավորություն է առաջարկել, սակայն այդ առաջարկից օգտվել են քչերը: Մակեդոնիայում փախստականների հարցով ՄԱԿ-ի Գերագույն հանձնակատարի վարչության ԶԼՄ-ների և հասարակայնության հետ կապերի ներկայացուցիչ Լյուբինկա Բրաշնարսկան ավելի վաղ հայտնել էր, որ տնտեսական միգրանտները, ովքեր այժմ պայքարում եմ Մակեդոնիա մուտք ստանալու համար, նույն արգելքի հետ կբախվեն հաջորդ՝
սերբական սահմանին, ընդ որում առանձին խնդիր է դառնալու դեպի Եվրոպա մարդկանց անօրինական տեղափոխումը:
Հունաստանի փախստականները կարել են բերանները` բողոքելով սահմանները փակելու դեմ
Բաժանորդագրվել
Ցուցարարները, գերազանցապես Իրանից, դժգոհ են ԵՄ երկրները որոշումից` մերժել պատերազմից չփախչող տնտեսական միգրանտներին անցնել «բալկանյան երթուղով»
