«Հայր մերի» կատարմամբ տեսահոլովակի արգելքի պատճառով Բրիտանիայում վեճ է բռնկվել

ԵՐԵՎԱՆ, 23 նոյեմբերի – Sputnik. Մեծ Բրիտանիայում սկանդալ է ծագել այն բանից հետո, երբ երկրի կինոթատրոններում արգելել են «Հայր մեր» աղոթքով պրոմո–տեսհոլովակի ցուցադրումը` զգուշանալով, որ այն  կարող է վիրավորել այլադավանների, ինչպես նաև աթեիսթների զգացմունքները։

Անգլիկան եկեղեցին հայտնել է, որ վշտացած է այդ որոշումից, իսկ տեսահոլովակներ տեղադրող ընկերությունը երկուշաբթի  հայտնել է, որ իր քաղաքականությունը «քաղաքական կամ կրոնական գովազդի» առաջխաղացում չի ենթադրում։

Տեսահոլովակը, որտեղ նկարահանվել են տարբեր մարդիկ, ինչպես նաև փախստականներ, Քենթերբերիի արքեպիսկոպոս Ջասթին Ուելբին, մարզասրահում պարապող ծանրամարտիկներ, մոր գերեզմանին այցի եկած որդին, երեխաներ դպրոցում, ովքեր կարդում են «Հայր մերը», Սուրբ ծննդից առաջ պետք է ցուցադրվեր ամբողջ երկրի խոշորագույն ցանցային կինոթատրոններում` ազդարարելով «Աստղային պատերազմների» նոր մասի ցուցադրության սկիզբը, հայտնում է Բի–բի–սին։

Այն  բանից հետո, երբ տեսաձայնագրությունը տեղադրելու արգելքը բողոքի բուռն ալիք բարձրացրեց քրիստոնյաների շրջանում, տեսահոլովակների տեղադրմամբ զբաղվող ընկերությունը երկուշաբթի հայտնեց, որ իր քաղաքականությունը «քաղաքական կամ կրոնական գովազդի» առաջխաղացում չի ենթադրում։ Բրիտանացի լրագրողները, սակայն, նկատել են, որ ընկերության քաղաքականությունը սահմանող փաստաթուղթը թվագրված է անցյալ ուրբաթ օրով, այսինքն` նախապատրաստված է եղել հրապարակումը արգելելուց երկու օր առաջ։

Նախօրեին խոշորագույն կինոցանցերն արգելել են տեսահոլովակի ցուցադրումը` ասելով, որ չեն կարող «վիրավորել հանդիսատեսի մի մասին», այդ թվում` աթեիստներին և այլադավաններին։

Անգլիկան եկեղեցին հայտնել է, որ «վշտացած է» տեսոհոլովակի ցուցադրությունն  արգելելուց և «նախազգուշացնում է, որ նման միջոցները կարող են բացասական ազդել խոսքի ազատության վրա»,- նշում է Բի–բի–սին։