ԵՐԵՎԱՆ, 19 նոյեմբերի- Sputnik. RT-ի գլխավոր խմբագիր Մարգարիտա Սիմոնյանը Թել Ավիվում տեղի ունեցած զինված հարձակումը չի կապում RT-ի քաղաքականության հետ։
Քաղաքի հարավային մասում գտնվող «Բեյթ Պանորամա» կենտրոնում, որտեղ այլ վարձակալների շարքում է նաև RT ռուսական հեռուստաալիքի բյուրոն, անհայտ անձը (ենթադրվում է` պաղեստինցի) դանակով սպանել է երկու իսրայելցու, կա մեկ վիրավոր։ Հեռուստաալիքի աշխատողները չեն տուժել, հայտնել է բյուրոյի ղեկավար Պոլա Սլիերը։
«Մեր բոլոր աշխատակիցները ողջ են, մենք այդ դեպքը չենք կապում RT-ի տեղեկատվական քաղաքականության հետ։ Աշխատակիցներից չորսը փակված են գրասենյակում, երկուսն էլ ուղիղ ռեպորտաժ են վարում դեպքերի մասին, նրանց հսկում է ոստիկանությունը»,- ասել է Սիմոնյանը ՌԻԱ Նովոստիին։
Ոստիկանությունը հայտնել է, որ հարձակում գործած անձին ձերբակալել է։ Փրկարարական ծառայության տվյալով` նա մարդկանց սպանել է աղոթքների համար նախատեսված տարածքում։ Թել Ավիվում տեղի ունեցածն արաբական հարձակումների գրեթե ամենօրյա շարքի շարունակությունն է։ Իշխանությունը նման հարձակումները ահաբեկչական գործողություններ է որակում։
