Կին օդաչուները Եթովպիայում կսպասարկեն չվերթերը

ԵՐԵՎԱՆ, 19 նոյեմբերի – Sputnik. Ethiopian Airlines ավիաընկերությունն իրականացնում է միջազգային ավիաչվերթեր, որոնք ցամաքում և օդում սպասարկելու են բացառապես կանայք։ Այսպիսով, ավիափոխադրողը ցանկանում է իր կոլեկտիվում ցույց տալ սեռերի հավասարությունը։

Թռիչքի անվտանգությունը, օդանավի կառավարումն ապահովող, ինչպես նաև ուղևորների մասին հոգալու ողջ աշխատանքն իրականացնելու են կանայք։ Մեխանիկները, թիկնապահները, օպերատորները, զանգերի կենտրոնները, դիսպետչերներն ու ինքնաթիռի անձնակազմը իրենց պարտականություններին կանցնեն արդեն վաղը` նոյեմբերի 19-ին`  Ադիս Աբեբա — Բանկոկ չվերթն իրականացնելիս։

Ներկա պահին կանայք Ethiopian Airlines-ի միայն 30% են կազմում։ Ավիաընկերությունը նախատեսում է ավելացնել կանանց քանակը և նրանց համար հարմարավետ պայմաններ ստեղծել։ Ավիափոխադրողի գործադիր տնօրեն Թևոլդե Գեբրեմարիամի խոսքերով` ընկերությունն ընդլայնում է կանանց համար քաղավիացիայում աշխատանքային աճի հնարավորությունները, իսկ սեռային հատկանիշով մարդկանց տարբերակելու փորձերը կամ հայտարարությունները կանխվելու են։

Ethiopian Airlines–ը Եթովպիայի պետական ավիափոխադրողն է, որի գլխավոր գրասենյակը գտնվում է Ադիս Աբեբայում և հիմնադրվել է 1945 թվականին։ Այն իրականացնում է ուղևորների և բեռների փոխադրում աշխարհի ավելի քան 50 քաղաքներ։