ԵՐԵՎԱՆ, 14 նոյեմբերի — Sputnik. Ֆրանսիայում բազմաթիվ հայեր են ապրում, այս պահին չկա որևէ պաշտոնական տեղեկատվություն, որ տուժածների մեջ կան նաև հայեր: նման տեղեկատվություն չունի նաև մեր հայրենակից, փարիզաբնակ Կարինե Ասրյանը, ով թեև ահաբեկչության վայրից հեռու է բնակվում, սակայն մի քանի րոպե ականատես է եղել, թե այդ պահին ինչ խուճապ էր տիրում սիրելի քաղաքում:
«Այն պահին, երբ ահաբեկչությունը տեղի էր ունեցել, ես աշխատավայրից դուրս եկա՝ արդեն իրարանցում էր: Ոստիկանության մեքենաները տագնապի ազդանշաններով ճանապարհ էին բացում անցնելու համար: Հատուկ համազգեստով ոստիկաններն էլ առաջ էին վազում: Քիչ անց արդեն բոլորը բղավում էին, որ ահաբեկչություն է տեղի ունեցել: Հետո սկսեցին Ճանապարհ բացել շտապօգնության մեքենաների համար»,- պատմեց Կարինեն:
«Մենք այդ ժամանակ Բատանիկի տարածքի մոտով էինք անցնում: Ահավոր խուճապի մեջ էինք, անգամ չէինք կարողանում կողմնորոշվել` ինչպես շարունակել ճանապարհը:
