ԵՐԵՎԱՆ, 5 նոյեմբերի — Sputnik. Նավթի գինն աճում է հինգշաբթի նախօրեի 1,9-2,3% անկումից հետո, երբ հայտարարվել էր, որ ԱՄՆ-ում նավթի պաշարներն անցյալ շաբաթվա տվյալներով ավելի կտրուկ են աճել, քան սպասում էին վերլուծաբանները:
Երևանի ժամանակով ժամը 08:06-ի դրությամբ Brent տեսակի հյուսիսծովյան նավթախառնուրդի դեկտեմբերյան ֆյուչերսների գինն աճել է 0,09%-ով` մինչև 48,83 դոլար մեկ բարելի դիմաց: WTI տեսակի նավթի դեկտեմբերյան ֆյուչերսների գինն աճել 0,38%-ով՝ մինչև 46,50 դոլար մեկ բարելի դիմաց:
Չորեքշաբթի ԱՄՆ էներգետիկայի նախարարության էներգետիկ տեղեկատվության վարչությունը հայտնել էր, որ ԱՄՆ-ում նավթի առևտրային պաշարները (բացի ռազմավարական պահուստներից) մեկ շաբաթվա ընթացքում, որն ավարտվել է հոկտեմբերի 30-ին, աճել են 2,847 միլիոն բարելով՝ մինչև 482,8 բարել: Վերլուծաբանները սպասում էին, որ ցուցանիշը կավելանա 2,787 միլիոն բարելով: Ընդ որում, պահուստային աճն ընթանում է արդեն վեցերորդ շաբաթն անընդմեջ:
Շաբաթվա ընթացքում ԱՄՆ-ում նավթի արդյունահանումն օրական աճել է 48 հազար բարելով՝ կազմելով 9,16 միլիոն բարել: Երկրի Cushing խոշորագույն տերմինալում նավթի պաշարները նվազել են 0,2 միլիոն բարելով՝ կազմելով 53,1 բարել:
Վերլուծաբանները պնդում են, որ չնայած ճշտման աճին` «սև ոսկու» գները շարունակում են ճնշման տակ մնալ: Ընդ որում, նավթի գների վրա ճնշում է գործադրում նաև ամերիկական արժույթը, որն ամրապնդվում է՝ դեկտեմբերին ԱՄՆ ՊԴՀ տոկոսադրույքի բարձրացման ակնկալինքների ֆոնին, կարծում է EY ընկերության վերլուծաբան Sanjeev Gupta-ն:
«Ուժեղ դոլարը կնպաստի նավթի գների աճին ներկրող երկրների համար` այդպիսով կրճատելով պահանջարկը», — հայտնել է նա Ֆրանս Փրես գործակալությանը:
Նավթի գներն աճում են նախօրեին արձանագրած երկու տոկոս անկումից հետո
11:28 05.11.2015 (Թարմացված է: 11:33 05.11.2015)
© Sputnik / В. Немировский
/ Բաժանորդագրվել
Նավթի գինն աճում է հինգշաբթի նախօրեի 1,9-2,3% անկումից հետո, երբ հայտարարվել էր, որ ԱՄՆ-ում նավթի պաշարներն անցյալ շաբաթվա տվյալներով ավելի կտրուկ են աճել, քան սպասում էին վերլուծաբանները
