ԵՐԵՎԱՆ, 1 նոյեմբերի – Sputnik. Սիրիայի կառավարական զորքերը երկու օրվա ընթացքում Հալեպի հարավ-արևելքում 8 գյուղ են ազատագրել ահաբեկչական խմբավորումներից, հայտնում է ռազմական աղբյուրը:
«Բանակն այսօր Հալեպի հարավ-արևելքում 2 գյուղ է ազատագրել` Շչալյաշչիլ և Թել Դադին», — աղբյուրի խոսքն է մեջբերում գործակալությունը:
Շաբաթ օրը, գործակալության զրուցակցի խոսքերով, 6 բնակավայր է ազատագրվել:
Հատուկ օպերացիան իրականացվել է հրետանու օգնությամբ, որը գործողությունները սկսելուց առաջ ոչնչացրել է ահաբեկիչների կրակային դիրքերը:
