ՌԴ–ն Վիեննայում ներկայացրել է Սիրիայի ընդդիմության այն խմբերի ցուցակը, որոնք բաց են բանակցությունների համար

ԵՐԵՎԱՆ, 30 հոկտեմբերի– Sputnik. Վիեննայում «քառյակի» հանդիպման ժամանակ Ռուսաստանը գործընկերներին ներկայացրել է ընդդիմության այն ներկայացուցիչների ցուցակը, որոնց կարելի է հրավիրել միջսիրիական հանդիպմանը, լրագրողներին հայտնել է ՌԴ ԱԳՆ ղեկավարի տեղակալ Միխայիլ Բոգդանովը։ Նրա խոսքով` նախօրեին ռուսական կողմը «քառյակի» հետ հանդիպման ժամանակ իր գործընկերներին հանձնել է «ընդդիմության գրեթե բոլոր խմբերի անունները, որոնց հետ մենք շփվում ենք, որոնց հետ պատրաստ ենք շփվել, որոնց կարելի է հրավիրել ինչ–որ միջսիրիական հանդիպումների։ Էր Ռիադը մեզ տվել է իր ցուցակը, ամերիկացիներն առայժմ իրենց ցուցակը չեն ներկայացրել»,– ասել է ռուս դիվանագետը։

Նրա խոսքով` ռուսական ցուցակում կա 38 անուն, սակայն «ցուցակը կարելի է համալրել»։ «Ցուցակը վերջնական չէ։ Մենք ճկուն ենք մոտենում այդ հարցին։ Գլխավորն այն է, որ սիրիական ընդդիմությունը հասկանա, թե ինչ է ուզում և համաձայնեցնի ինչ–որ ընդհանուր մոտեցումներ, համաձայնեցնի պատվիրակության կազմը, որն այդ մոտեցումները կներկայացնի բանակցությունների ժամանակ Սիրիայի կառավարության հետ, ինչպես դա ենթադրում է ժնևյան համաձայնագիրը»,– ասել է Բոգդանովը։