ԵՐԵՎԱՆ, 28 հոկտեմբերի – Sputnik. Չորեքշաբթի մեկնարկել է բացառիկ մի փորձ, որը կրում է «Լուսին 2015» անվանումը։ Այս մասին գրված է Դաշնային տիեզերական գործակալության ֆեյսբուքյան էջում։
Նախագծին մասնակցելու համար ընտրվել է տասը կին, սակայն նրանցից միայն վեցը ութ օր կանցկացնեն այնպիսի պայմաններում, որոնք առավելագույն չափով նմանեցրած կլինեն թռիչքի իրական պայմաններին։ «Նախօրեին հրապարակվել է «Լուսին 2015» նախագծի հիմնական անձնակազմի ցանկը։ Կապիտան է նշանակվել Ելենա Լուչիցկայան, որը ՌԳԱ բժշկակենսաբանական խնդիրների ինստիտուտի կարդիոռեսպիրատոր համակարգի ֆիզիոլոգիայի և կենսամեխանիկայի լաբորատորիայի ավագ գիտաշխատող է, կենսաբանական գիտությունների թեկնածու, տիեզերագնացության միջազգային ակադեմիայի թղթակից անդամ։
«Թռիչքին կմասնակցեն նաև Դարյա Կոմիսարովան, Պոլինա Կուզնեցովան, Աննա Կուսմաուլը, Իննա Նոսիկովան և Տատյանա Շիգուևան», – նշված է հաղորդագրության մեջ։ Թռիչքի ուղեգծի համաձայն, վեց հոգանոց անձնակազմով «տիեզերանավը» պետք է պտույտ կատարի Լուսնի շուրջ և Երկիր վերադառնա ութ օրվա ընթացքում։ Այս ժամկետը մտացածին չէ, նախապես «Էներգիա» տիեզերական կորպորացիայում արվել են բոլոր անհրաժեշտ չափումները, այդ թվում նաև` բալիստիկ։ Գիտական այս ծրագրում մոտ 30 փորձարկում է ներառված։
Ծրագրի նպատակն է պատրաստվել այն փորձարկումներին, որոնք անցկացվելու են Միջազգային տիեզերակայանում, փորձարկել այն սարքավորումները, որոնք պետք է տեղափոխվեն տիեզերակայան։ «Լուսին 2015» նախագծի անձնակազմն ու մասնագետներն ավարտել են սարքավորումների ստուգումը։ Երկար սպասված մեկնարկը տեղի է ունեցել այսօր, Երևանի ժամանակով 12։00–ին։
Ութ օր առանց տղամարդու. կանայք պատրաստվում են պտույտ կատարել Լուսնի շուրջ
16:36 28.10.2015 (Թարմացված է: 18:01 28.10.2015)
© Sputnik / Владимир Песня / Անցնել մեդիապահոցЭксперимент по имитации облета Луны женским экипажем "Луна-2015"
![Эксперимент по имитации облета Луны женским экипажем Луна-2015 Эксперимент по имитации облета Луны женским экипажем Луна-2015 - Sputnik Արմենիա](https://cdn.am.sputniknews.ru/img/96/90/969007_0:89:2967:1766_600x0_80_0_0_31a45a3569569f256fc899f30a63f536.jpg)
© Sputnik / Владимир Песня
/ Բաժանորդագրվել
Ծրագրի նպատակն է պատրաստվել այն փորձարկումներին, որոնք անցկացվելու են Միջազգային տիեզերակայանում, փորձարկել այն սարքավորումները, որոնք պետք է տեղափոխվեն տիեզերակայան