ԵՐԵՎԱՆ, 28 հոկտեմբերի – Sputnik. Հայաստանի Ազգային ժողովում մեկնարկել է քառօրյայի հերթական նիստը, որի ընթացքում քննարկման է դրվել «ՀՀ ընտրական օրենսգրքում փոփոխություն և լրացում անելու և նույնականացման քարտերի մասին օրենքում փոփոխություններ կատարելու մասին» նախագիծը:
«ՀՀ Ընտրական օրենսգրքում» և «Նույնականացման քարտերի մասին» ՀՀ օրենքում փոփոխություններ կատարելու նախգծերի հեղինակներն են ՀՀԿ-ն և պատգամավոր Տիգրան Ուրիխանյանը:
Եթե ՀՀԿ-ի օրինագծի նպատակն է, որ քաղաքացին կարողանա ընտրել նաև նույնականացման քարտով, ապա Ուրիխանյանն առաջարկում է նույնականացման քարտով ընտրության իրավունքից բացի, պարտադիր որևէ տարբերակով վերահսկողություն սահմանել: Այսինքն` ֆիքսել ընտրություն կատարելու փաստը, օրինակ` կիրառելով որևէ էլեկտրոնային սարք:
Նշենք, որ «Նույնականացման քարտի մասին» օրենքում փոփոխությունն արագացված ռեժիմով քննարկելու փաստը պայմանավորված է դեկտեմբերի 6-ին կայանալիք Սահմանադրական փոփոխությունների հանրաքվեով:
