ԵՐԵՎԱՆ, 28 հոկտեմբերի– Sputnik. Լեհաստանի նախկին վարչապետ Յարոսլավ Կաչինսկին հայտարարել է, որ օսկարակիր ռեժիսոր Ռոման Պոլանսկին պետք է արտահանձնվի ԱՄՆ–ին։
Հաղորդագրության համաձայն` Կաչինսկին նշել է, որ Պոլանսկին պետք է հանձնվի ԱՄՆ–ին, որպեսզի կանգնի դատարանի առջև` 1977թ.–ին անչափահասի նկատմամբ սեռական ոտնձգություն կատարելու մեղադրանքով։
«Տեսակետ կա, որ Պոլանսկին չպետք է պատասխանատվություն կրի իր արարքների համար, քանի որ ականավոր, աշխարհահռչակ ռեժիսոր է։ Մենք ամբողջովին հերքում ենք այդ դիրքորոշումը»,– ասել է նա։
2009թ.–ի սեպտեմբերին Ցյուրիխի կինոփառատոն այցի ժամանակ Պոլանսկին, ով ունի ֆրանսիական և լեհական քաղաքացիություն, ձերբակալվեց ԱՄՆ իշխանությունների հարցման համաձայն, որոնք մեղադրում են ռեժիսորին 1977թ.–ին անչափահաս Սամանթա Գեյմերին բռնաբարելու մեջ։
Ամիսներ անց Պոլանսկուն ազատ են արձակել 4,5 մլն դոլար գրավի դիմաց, իսկ 2010թ.–ի հուլիսին Շվեյցարիայի արդարադատության նախարարությունը մերժել է արտահանձնել ռեժիսորին ԱՄՆ–ին և վերջնականապես ազատ արձակել նրան։ Օգոստոսի սկզբին Լեհաստանն ԱՄՆ–ից ստացել է հարցված փաստաթղթերը, որոնք վերաբերում են Պոլանսկու արտահանձնման գործին։
