ԵՐԵՎԱՆ, 28 հոկտեմբերի – Sputnik. ԱՄՆ–ի իշխանությունները չեն պատրաստվում երկարատև ռազմական գործողություն իրականացնել Իրաքում և Սիրիայում ահաբեկիչների դեմ, երեքշաբթի հայտարարել է Սպիտակ տան պաշտոնական ներկայացուցիչ Էրիկ Շուլցը։
«Մենք չենք պատրաստվում երկարատև գործողություն իրականացնել»,– ասել է նա լրագրողներին։ Շուլցը հիշեցրել է, որ ԱՄՆ նախագահ Բարաք Օբաման արդեն բազմիցս խոսել է այդ մասին։
ԱՄՆ պաշտպանության նախարար Էշթոն Քարթերն իր հերթին ամերիկյան սենատում լսումների ընթացքում նույն օրը հավաստիացրել է օրենսդիրներին «Իսլամական պետության» գրոհայինների դեմ պատերազմող սիրիական ընդդիմությանը Վաշինգտոնի աջակցության պատրաստակամության մասին։ Նա նաև նշել է, որ ԱՄՆ–ն մտադիր չէ փոխել իր քաղաքականությունը Սիրիայում։ Դրա հետ մեկտեղ նախարարն ընդգծել է ծայրահեղականների դիրքերին օդային հարվածներն ուժեղացնելու հավանականությունը։
ԱՄՆ–ն հայտարարել է, որ Իրաքում և Սիրիայում երկարատև ռազմական գործողություն չի լինի
© Sputnik / Дмитрий Виноградов
/ Բաժանորդագրվել
ԱՄՆ–ն հաստատել է սիրիական ընդդիմությանն աջակցելու պատրաստակամությունը, որը պատերազմում է «Իսլամական պետության» գրոհայինների դեմ։ Պենտագոնի ղեկավարը չի բացառել ծայրահեղականների դիրքերին հասցվող օդային հարվածներն ուժեղացնելու հնարավորությունը
