«Բրիգադան» արգելվել է Ուկրաինայում

ԵՐԵՎԱՆ, 28 հոկտեմբերի– Sputnik. Կինոյի հարցերով Ուկրաինայի պետական գործակալությունը որոշում է ընդունել չեղյալ համարել յոթ ֆիլմի վարձութային վկայագիրը և մերժել գրանցել ռուսական արտադրության երկու սերիալ, հաղորդվում է գերատեսչության Facebook-ի էջում։

Ավելի վաղ Ուկրաինայի խորհրդարանն ընդունել էր օրենք, որն արգելում է ոչ միայն ռուսական ուժային կառույցների մասին սերիալները, այլ նաև այն ֆիլմերը, որոնք ստեղծվել են ռուսական իրավաբանական անձանց կողմից 2014թ.–ից սկսած։ Գործակալությունը հրաժարվում է նման ֆիլմերին վարձույթ տրամադրել։

«Կինոյի հարցերով Ուկրաինայի պետական գործակալությունը Պետկինոյին կից ֆիլմերի ցուցադրման և տարածման հարցերի փորձագիտական հանձնաժողովի որոշման հիման վրա 2015թ.–ի սեպտեմբեր–հոկտեմբերին մերժել է գրանցել «Վիշապի համախտանիշ», «Միայն դու» սերիալները և չեղյալ հայտարարել «Կոտրած լապտերների փողոց-5», «Մենք ապագայից ենք», «Օդաչուի պատմություն», «Բրիգադա», «Պիրանիայի որս», «Պահակախումբ PQ-17», «Ստանիցա» սերիալների վարձութային արտոնագրերերի վավերացումը,– ասվում է հաղորդագրությունում։

Ուկրաինայի պետկինոն անցյալ տարվա օգոստոսից արգելել է ցուցադրել 377 ռուսական ֆիլմ և սերիալ։ Ռուս ռեժիսորները Կիևի իշխանությունների որոշումն անվանել են պատիժ հենց ուկրաինացիների համար, սակայն նրանց կարծիքով` Ռուսաստանը չպետք է պատասխան գործողություններ ձեռնարկի։