Հայ երգիչը բացահայտել է «Նոր ալիքի» սկանդալի մանրամասները

Արտիստն ավելացրել է, որ գոհ է առաջին օրվա արդյունքներից և իր ելույթի մասին հանդիսատեսի արձագանքներից։ «Բայց խնդիրներ առաջացան մրցութային երկրորդ օրը` ես պետք է զուգերգով ելույթ ունենայի նախորդ տարիների «Նոր ալիքի» հայ մասնակիցներից մեկի հետ, սակայն քանի որ որոշ վճարումներ չէին կատարվել, ես չկարողացա ելույթ ունենալ երգչուհի Սոնա Շահգելդյանի հետ»,– ասաց Կյոկչյանը։

Երգչի խոսքով` մրցութային երկրորդ օրն առաջացավ երկրորդ խնդիրը, երբ նա պետք է ելույթ ունենար բելառուսա-ռուսական IOWA խմբի հետ։

«Ի սկզբանե երգն այլ գործիքավորում ուներ։ «Նոր ալիքի» պրոդյուսեր և հիմնադիր Իգոր Կրուտոյը հասցրեց լսել և հավանություն տալ իմ թիմի տարբերակին։ Մինչև մրցույթի սկիզբը ես ամեն ինչ հաշվարկել էի, լավ արդյունքի հույս ունեինք, սակայն մեներգիչներից մեկն իրեն այդքան էլ ադեկվատ չէր պահում»,– խոստովանեց երգիչը։

Կյոկչյանն ավելացրեց, որ դժգոհ է Նիկոլաևի «Երկու աստղ» երգի` IOWA խմբի կատարած գործիքավորումից, և մրցույթի կազմակերպիչները դրա հետ համաձայն էին։

Նա ավելացրեց, որ մտածում էր ընդհանրապես հրաժարվել հետագա մրցույթից, սակայն դա իր կողմից եսասիրական կլիներ և կխանգարեր հայ կատարողներին հետագայում մասնակցել «Նոր ալիքին»։ Արտիստը նշեց, որ ոչ մի դեպքում չի ցանկանում մեղադրել որևէ մեկի կամ իրեն որպես զոհ ներկայացնել։ «Իրականում, բոլորն էին շոկի մեջ` մի շարք ռուսական ԶԼՄ–ներ, սոցցանցերի օգտագործողներ և ոչ միայն։ Բոլորը միաձայն նշեցին, որ IOWA խումբը վատ գործիքավորում է կատարել»,– ասաց Կյոկչյանը։

Ընդհանուր առմամբ երգիչը գոհ էր, որ մասնակցել է այդ փառատոնին, որը «Եվրատեսիլից» հետո երկրորդն է տարածաշրջանում իր ծավալով և հանդիսատեսի հետաքրքրությամբ։

Կյոկչյանն ավելացրեց, որ իրեն նաև հաջողվել է շփվել իր կուռք Լեոնիդ Ագուտինի հետ, ով իրեն խորհուրդ տվեց չհուսահատվել և ուշադրություն չդարձնել այդպիսի տհաճ պահերի։