ԵՐԵՎԱՆ, 9 հոկտեմբերի– Sputnik. «Տրանսաերո» ավիաընկերությունը, որը գտնվում է սնանկացման եզրին, 2015թ.–ի հոկտեմբերի 10–ին չեղյալ կհայտարարի 38 չվերթ, իսկ այդ օրվա մնացած չվերթերը նախապես կիրականանան ըստ ժամանակացույցի, ասվում է Facebook–ում ընկերության հաղորդագրությունում։
«Այն դեպքում, եթե չվերթերը չեղյալ հայտարարվեն, «Տրանսաերո» ավիաընկերության սպասարկման կենտրոնն անպայման կծանուցի այդ մասին»,– ուրբաթ ասվում է «Տրանսաերոյի» հաղորդագրությունում։
«Աերոֆոլտը», որը լուծում է «Տրանսաերոյի» ուղևորների փոխադրման խնդիրները, իր հերթին հաղորդել է, որ չեղյալ հայտարարված չվերթերի ուղևորափոխադրումն իրականանում է «Աերոֆլոտ» ընկերության չվերթերով` SU կոդով։
Չեղյալ հայտարարված չվերթերի տարանցիկ ուղևորներին կտեղափոխեն նշանակման կետ «Պուլկովո» կամ «Շերեմետևո» օդանավակայաններում։
«Աերոֆլոտը» «Տրանսաերոյի» ուղևորների անխափան փոխադրումն ապահովելու համար ստեղծել է օպերատիվ շտաբ, որն իրականացնում է ընկերության օպերացիոն գործունեության համակարգումը։ «Տրանսաերոյի» ուղևորների տեղափոխումը մինչև դեկտեմբերի 15–ը կիրականանա «Տրանսաերոյի», «Աերոֆլոտի» և այլ ռուսական ավիափոխադրողների չվերթերով։ Ներկա պահին կազմվում է օրական պլան հոկտեմբերի 11-12–ի չվերթերի համար։
«Աերոֆլոտը» «Տրանսաերոյի» ուղևորների անխափան փոխադրումն ապահովելու համար ստեղծել է օպերատիվ շտաբ, որն իրականացնում է ընկերության օպերացիոն գործունեության համակարգումը։ «Տրանսաերոյի» ուղևորների տեղափոխումը մինչև դեկտեմբերի 15–ը կիրականանա «Տրանսաերոյի», «Աերոֆլոտի» և այլ ռուսական ավիափոխադրողների չվերթերով։ Ներկա պահին կազմվում է օրական պլան հոկտեմբերի 11-12–ի չվերթերի համար։
