ԵՐԵՎԱՆ, 9 հոկտեմբերի– Sputnik. Միլիարդավոր տարիներ առաջ Մարսի վրա կարող էին երկար ժամանակով գոյություն ունենալ լճեր։ Նման հետևության են հանգել գիտնականները` մշակելով տվյալները, որոնք ստացվել են նաև Curiosity մարսագնացի շնորհիվ, հաղորդվում է NASA–ի կայքում։
Սարքից դիտումները թույլ են տալիս ենթադրել, որ Մարսի վրա 3,8 և 3,3 միլիարդ տարիների հատվածում երկար ժամանակ կարող էին գոյություն ունենալ ջրի և լճերի հոսանքներ։ Դա վկայում են, մասնավորապես, Շարպ լեռան մոտ ապարների նստվածքաշերտի տեսքով լճի հետքերը։ Վերլուծությունը ցույց է տվել, որ ապարների ձևավորումը տեղի է ունեցել այստեղ շուրջ կես միլիարդ տարի առաջ։
29 սեպտեմբերի 2015, 14:32
«Ակնհայտ է, որ Մարսը միլիարդավոր տարիներ առաջ ավելի շատ է հիշեցրել Երկիրը, քան այսօր։ Մեր խնդիրն է պարզել, թե այնտեղ ինչպես կարող էր լինել ավելի մեղմ կլիմա և ինչ է տեղի ունեցել հեղուկի հետ»,– մամուլի ասուլիսում նշել է NASA-ի Mars Exploration ծրագրի առաջատար գիտնական Մայքլ Մեյերը։
