Լուսանկարները և MRO զոնդի գործիքների տվյալները ցույց են տվել, որ Մարսի մակերևույթին` հասարակածի շրջանում, պարբերաբար հեղուկ, բայց շատ աղի ջրով յուրատեսակ առվակներ են հայտնվում, որոնք իրենց հետևից խառնարանների կողերին հանելուկային, մի քանի մետր հաստությամբ մուգ շերտեր են թողնում։
«Մարսը չոր և անջուր մոլորակ չէ, ինչպես մենք մտածում էինք նախկինում։ Այսօր մենք պատրաստվում ենք հայտարարել, որ որոշակի հանգամանքներում Մարսի վրա հեղուկ ջուր է հայտնաբերվել»,- հայտարարել է ՆԱՍԱ-ի մոլորակագիտության բաժնի ղեկավարը։
Գիտնականները 2011 թվականից ուսումնասիրում են Մարսի մակերևույթի անսովոր երևույթները։ Եվ միայն այժմ նրանց հաջողվեց իրենց աշխատանքում, որը ՆԱՍԱ-ն անվանել է «Մարսի գաղտնիքի վերծանում», ապացուցել, որ նման աղի առվակներ, ամեն դեպքում, գոյություն ունեն։
Վերլուծելով Պալիկիր և Հեյլ խառնարաններն ուսումնասիրելիս CRISM գործիքի հավաքած տվյալները, մոլորակագետները նկատել են հաստ և երկար մուգ շերտեր։
Ուսումնասիրելով այդ շերտերի սահմանները` գիտնականները հայտնաբերել են, որ դրանց ներսում և դրանց անմիջական հարևանությամբ առկա է մեծ քանակությամբ, այսպես կոչված, հիդրատացված աղ` սովորական հանքային աղի բյուրեղներ, որոնք որոշ քանակությամբ ջրի մոլեկուլ են պարունակում։
Գիտնականները դեռևս չեն պարզել մուգ շերտեր և հիդրատացված աղ առաջացնող ջրի ծագումը։
Ավելի վաղ մոլորակագետները Nature Communications ամսագրում գրել էին, որ հեղուկ ջուրը և անգամ յուրատեսակ գետերը Մարսի մակրևույթին եղել են մոտ մեկ միլիոն տարի առաջ, երբ Կարմիր մոլորակի պտույտի առանցքն ավելի թեքված էր, քան հիմա։
ՆԱՍԱ-ի գիտնականները Մարսի վրա ջուր են հայտնաբերել. կադրեր մամուլի ասուլիսից
14:32 29.09.2015 (Թարմացված է: 17:46 12.10.2015)
© Ruptly
Բաժանորդագրվել
ՆԱՍԱ-ի մասնագետները հայտնաբերել են Մարսի վրա շատ աղի ջրի առկայության ապացույցներ։ Դիտեք տեսանյութում, թե Վաշինգտոնում տեղի ունեցած մամուլի ասուլիսում հայտնագործության մասին ինչ է պատմում գիտնականը։
