ԵՐԵՎԱՆ, 8 հոկտեմբերի– Sputnik. Facebook սոցիալական ցանցը պատրաստվում է ընդլայնել «like» կոճակի հնարավորությունները, հաղորդում է engadget.com կայքը։
«Like»-ի նոր տարբերակը, որը կստանա «Արձագանքներ» (Reactions) անվանումը, տարբեր հույզեր արտահայտող «ժպիտիկների» շարք է։ Այդ կերպ սոցիալական ցանցը պատրաստվում է լսարանին հնարավորություն տալ ավելի զգացմունքային արձագանքել լրահոսի հրապարակումներին։ Հին «like»-ն, ընդ որում, կպահպանվի, բայց կլրացվի սմայլիկներով, որոնք սեր, ծիծաղ, ժպիտ, զարմանք և զայրույթ են արտահայտում։
Իսպանիայից և Իռլանդիայից Facebook-ի օգտատերերը կկարողանան փորձարկել նոր հնարավորությունը թեստային ռեժիմով արդեն հոկտեմբերի 9-ին՝ ուրբաթ օրը։
Միևնույն ժամանակ սոցիալական ցանցը որոշել է հրաժարվել լայնորեն քննարկվող «դիսլայք» հնարավորությունը գործարկելու գաղափարից։ Facebook-ի հիմնադիր Մարկ Ցուկերբերգի կարծիքով՝ «dislike» կոճակը սոցիալական ցանցը կնմանեցնի Reddit ֆորումների համակարգին՝ կողմ և դեմ քվեարկելու գործառույթով, ինչպես նաև բացասաբար կանդրադառնա օգտատերերի տրամադրության վրա։
Facebook-ի «like» կոճակն ավելի «զգացմունքային» կդառնա
18:13 08.10.2015 (Թարմացված է: 17:51 12.10.2015)
© Sputnik / Asatur Yesayants
Բաժանորդագրվել
Իսպանիայից և Իռլանդիայից Facebook-ի օգտատերերը կկարողանան փորձարկել նոր հնարավորությունը թեստային ռեժիմով արդեն հոկտեմբերի 9-ին
