ԵՐԵՎԱՆ, 8 հոկտեմբերի – Sputnik. Սփյուռքահայ Ստեփան Բուդոյանը 47 տարի շարունակ ամեն տարի այցելել է Անատոլիա, լուսանկարել պատմամշակութային վայրերը, տեղի կյանքը, կենցաղը, մարդկանց:
Այդ մասին նա պատմել է Ստամբուլի ֆրանսիական մշակույթի կենտրոնի և Անատոլիայի ուսումնասիրությունների ֆրանսիական ինստիտուտի կազմակերպած «Արևելյան Անատոլիայով 40 տարվա ճանապարհորդություն» թեմայով համատեղ միջոցառման ընթացքում, հայտնում է ermenihaber.am լրատվական կայքը։
Կայքի տեղեկացմամբ` Բուդոյանը հայտնել է, որ դեպի արևելք ճանապահորդելու հետաքրքրությունն իր մեջ արթնացել էր հոր շնորհիվ, ով 1965 թվականին Ֆրանսիայից ավտոբուսով էր Թուրքիա հասել, այցելել էր ծնողների տուն, իսկ վերադարձից հետո տեսածը զավակներին էր պատմել: Հորից հետո 3 տարի անց՝ 1968-ին, Ստեփան Բուդոյանը սկսել էր իր ճանապարհորդությունը։
Բուդոյանը պատմել է, որ սկզբնական շրջանում Ֆրանսիայի հայերը այդ մտահղացմանը վատ էին վերաբերվում: «Թուրքերն էլ կարծում էին, թե գանձեր ենք որոնում կամ էլ եկեղեցիներն ենք թալանելու: Որոշ տհաճ դեպքեր էլ են եղել, բայց արդեն ժամանակը փոխվել է ու վախն էլ՝ վերացել: Իսկ այսօր մեքենայիս վրա հայկական դրոշ կա, և առանց վախենալու շրջում եմ: Սա ինձ ուրախացնում է»,- ասել է նա։
Բուդոյանին առավել տպավորել է Վանա լիճը և նրա շրջակայքը: 47 տարի անընդմեջ Թուրքիայով շրջագայած ճանապարհորդի կարծիքով Արևելքի (նկատի ունի Թուրքիայի արևելքը) հին պատմության մասին ամենից լավ պատմում են պաշտամունքային վայրերը:
Բուդոյանը տեղեկացրել է, որ լուսանկարների արխիվը մոտ ժամանակներս հասանելի կլինի համացանցում:
Կեսդարյա ճանապարհորդություն Արևմտյան Հայաստանում
18:03 08.10.2015 (Թարմացված է: 17:51 12.10.2015)
Բաժանորդագրվել
Սփյուռքահայ Ստեփան Բուդոյանը 47 տարվա ընթացքում նկարել է Արևմտյան Հայաստանի մատմամշակութային վայրերը
