Կիսելյովը ԲՌԻԿՍ երկրները համարում է դաշնակիցներ արժեքներով և աշխարհի մոդելով

ԵՐԵՎԱՆ, 8 հոկտեմբերի – Sputnik. «Ռոսիա սեգոդնյա» ՄԼԳ գլխավոր տնօրեն Դմիտրի Կիսելյովը ողջունել է ԲՌԻԿՍ անդամ պետությունների մեդիաֆորումի բոլոր մասնակիցներին և ԲՌԻԿՍ երկրների գործընկերների հետ, որոնց Ռուսաստանը դաշնակից է համարում, փոխգործակցության հույս հայտնել։

ԲՌԻԿՍ անդամ պետությունների մեդիաֆորումը բացվել է Մոսկվայում հինգշաբթի։

ԲՌԻԿՍ երկրների առաջատար ԶԼՄ–ների ղեկավարների մասնակցությամբ միջոցառման կազմակերպիչն է զանգվածային հաղորդակցության և տպագրության դաշնային գործակալությունը և «Ռոսիա սեգոդնյա» ՄԼԳ-ն։

Մեդիաֆորումի մասնակիցների շարքում են նաև «Սինհուա» (Չինաստան) լրատվական գործակալությունը, South African Broadcasting Corporation (Հարավային Աֆրիկա) մեդիահոլդինգը, Shanghai United Media Group (Չինաստան) մեդիախումբը, Empresa Brasil de Comunicacao (Բրազիլիա) մեդիակորպորացիան, Sahara Samay (Հնդկաստան) մեդիահոլդինգը, China Daily (Չինաստան) թերթը, Africa News Agency լրատվական գործակալությունը (ՀԱՀ) և այլ գործակալություններ։

«Ուրախ եմ ողջունել բոլորին ԲՌԻԿՍ անդամ պետությունների ֆորումին… Մենք փոխգործակցության հույս ունենք ԲՌԻԿՍ երկրների մեր գործընկերների հետ և կարծում ենք, որ մենք դաշնակիցներ ենք ինչպես արժեքներով, այնպես էլ աշխարհի մոդելով… Սա բազմաբևեռ, բազմագույն աշխարհի մոդել է, որտեղ Չինաստանը չինական է, Հնդկաստանը` հնդկական, Թուրքիան` թուրքական և այլն։ Այս հայեցակարգում յուրաքանչյուր երկիր իր կյանքի դասավորվածության և իր զարգացման արագության իրավունքն ունի», – ասել է Կիսելյովը` բացելով ֆորումը «Ռոսիա սեգոդնյա» ՄԼԳ միջազգային մուլտիմեդիոն մամուլի կենտրոնում։

Նրա խոսքերով` «Ռոսիա սեգոդնյա» ՄԼԳ–ի հիմնական գաղափարն այն է, որ այլընտրանքային տեսակետ փոխանցվի, «ամերիկյան մեյնսթրիմին այլընտրանքային և մեր կայքերի հանրաճանաչությունից ելնելով, այլընտրանքային տեսակետի հայց այժմ կա»։