ԵՐԵՎԱՆ, 7 հոկտեմբերի– Sputnik. «Տրանսաերո» ավիաընկերությունը, հաշվի առնելով բարդ ֆինանսական իրավիճակը, իր կայքում գործարկում է չվերթերի կարգավիճակի ստուգման ծառայությունը երկու օրվա համար, հաղորդում է «Աերոֆլոտ» ավիաընկերությունը։
«Տրանսաերո» ռուսական մասնավոր ավիաընկերությունն ի վիճակի չի եղել սպասարկել պարտքերը, որոնք լիզնիգային պարտավորությունների հետ միասին կազմել են շուրջ 250 մլրդ ռուբլի։
«Ուղևորների հարմարության համար «Տրանսաերոյի» կայքում գործարկվել է չվերթերի կարգավիճակի ստուգման ծառայությունը երկու օրվա համար։ Չվերթի համարը պետք է նշել առանց UN գաղտնագրի»,– չորեքշաբթի ասվում է «Աերոֆլոտի» հաղորդագրությունում։
«Աերոֆլոտը» «Տրանսաերո» ավիաընկերության ուղևորների անխափան փոխադրումներն ապահովելու համար ստեղծել է օպերատիվ շտաբ, որն իրականացնում է «Տրանսաերայի» օպերացիոն գործունեության համակարգումը։ «Տրանսաերոյի» ուղևորների փոխադրումը կիրականացվի մինչև դեկտեմբերի 15–ը «Տրանսաերո», «Աերոֆլոտ» և ռուսական այլ ավիափոխադրողների չվերթերով։
«Ներկա պահին մշակվում է հոկտեմբերի 9-10–ի չվերթերի օրական պլան։ Թռիչքների պլանների տեղեկատվությունն ամենօր կթարմացվի «Աերոֆլոտի» և «Տրանսաերոյի» կայքերում և սոցցանցերի պաշտոնական աքաունթներում»,– նշվում է հաղորդագրությունում։
«Տրանսաերոյի» կայքում գործարկվել է չվերթերի կարգավիճակի ստուգման ծառայությունը
11:26 07.10.2015 (Թարմացված է: 17:50 12.10.2015)
© Sputnik / Кирилл Каллиников
/ Բաժանորդագրվել
«Տրանսաերոյի» ուղևորների փոխադրումը կիրականացվի մինչև դեկտեմբերի 15–ը «Տրանսաերո», «Աերոֆլոտ» և ռուսական այլ ավիափոխադրողների չվերթերով
