ԵՐԵՎԱՆ, 28 սեպտեմբերի – Sputnik. Ռուսաստանն առաջարկում է միջազգային հակաահաբեկչական կոալիցիա ստեղծել, որի առանցքային մասնակիցները կլինեն մուսուլմանական երկրները, ՄԱԿ–ի ԳՎ–ի նստաշրջանում ունեցած ելույթի ժամանակ հայտարարեց ՌԴ նախագահ Վլադիմիր Պուտինը
«Մենք առաջարկում ենք ղեկավարվել ընդհանուր արժեքներով ու ընդհանուր շահերով, միջազգային իրավունքի հիման վրա միավորել ջանքերը մեր առջև ծառացած խնդիրները լուծելու համար, ստեղծել իսկապես մեծ միջազգային հակաահաբեկչական կոալիցիա»,– ասաց Պուտինը։
«Ինչպես հակահիտլերյան կոալիցիան, այնպես էլ մեր առաջարկածը կարող է իր շարքում ամենատարբեր ուժեր ընդգրկել, որոնք պատրաստ են վճռականորեն դիմակայել նրանց, ովքեր նացիստների նման չարություն ու ատելություն են սերմանում։ Եվ իհարկե այդ կոալիցիայի առանցքային մասնակիցները կլինեն մուսուլմանական երկրները, քանի որ «Իսլամական պետությունը» ոչ միայն անմիջական սպառնալիք է նրանց համար, այլև իր արյունոտ հանցագործություններով պղծում է համաշխարհային խոշորագույն կրոնը` իսլամը։,– ավելացրեց ՌԴ նախագահը։
Նրա խոսքով` «Իսլամական պետության» գաղափարախոսները ծաղրում են իսլամն ու խեղաթյուրում այդ կրոնի իրական մարդասիրական արժեքները։
Պուտին. Ռուսաստանն առաջարկում է հակաահաբեկչական կոալիցիա ստեղծել
21:30 28.09.2015 (Թարմացված է: 17:46 12.10.2015)
© Sputnik / Алексей Дружинин
/ Բաժանորդագրվել
Մենք առաջարկում ենք միջազգային իրավունքի հիման վրա միավորել ջանքերը մեր առջև ծառացած խնդիրները լուծելու համար, ստեղծել իսկապես մեծ միջազգային հակաահաբեկչական կոալիցիա, ասաց ՌԴ նախագահ Վլադիմիր Պուտինը` ելույթ ունենալով ՄԱԿ–ի ԳՎ–ի նստաշրջանում։
