ԵՐԵՎԱՆ, 28 սեպտեմբերի-Sputnik. Ոստիկանության Երևանի վարչության օպերատիվ կառավարման կենտրոնից նախօրեին Մալաթիայի բաժնում հաղորդում է ստացվել, որ «Մալաթիա» տոնավաճառի մոտ դանակահարություն է տեղի ունեցել, հաղորդում է ՀՀ ոստիկանության մամուլի ծառայությունը։
Հաղորդագրության մեջ նշվում է, որ նույն օրը քաղաքի վարագույների վաճառքի տաղավարներից մեկում 1976 թ. ծնված Արտակ Ա.-ն իր մոտ եղած որսորդական դանակով հարվածել է նախկին կնոջ` 1977 թ. ծնված Հեղինե Դարբազյանի մարմնի տարբեր մասերին, ով ստացած մարմնական վնասվածքներից տեղում մահացել է:
Նույն օրը ոստիկանության Երևան քաղաքի վարչության ՊՊԾ գնդի 4-րդ վաշտի ծառայողները, սպանություն կատարելու կասկածանքով, Արտակ Ա.-ին դեպքի վայրից բերման են ենթարկել բաժին, ով ձախ նախաբազկի թափանցող արնահոսող վերքով տեղափոխել է հիվանդանոց:
«Հանցագործության գործիք դանակն առգրավված է: Նշանակվել է դատաբժշկական փորձաքննություն: Կատարվում է քննություն», – նշվում է հաղորդագրության մեջ։
Ամուսինը դանակի բազմաթիվ հարվածներով սպանել է նախկին կնոջը
11:50 28.09.2015 (Թարմացված է: 17:45 12.10.2015)
© Sputnik
Բաժանորդագրվել
Նույն օրը ոստիկանության Երևան քաղաքի վարչության ՊՊԾ գնդի 4-րդ վաշտի ծառայողները, սպանություն կատարելու կասկածանքով, Արտակ Ա.-ին դեպքի վայրից բերման են ենթարկել բաժին
