ԵՐԵՎԱՆ, 27 սեպտեմբերի– Sputnik. Աշխարհահռչակ երաժիշտ և կոմպոզիտոր, դուդուկի վարպետ Ջիվան Գասպարյանը կմասնակցի Մոսկվայում անցկացվող Դուդուկի միջազգային երկրորդ փառատոնին, նշվում է փառատոնի Facebook–ի էջում։
Փառատոնին, որը մեկնարկում է կիրակի Մոսկվայի էստրադայի պետական թատրոնում, մասնակցում են աշխարհահռչակ աստղեր։ Բացի Ջիվան Գասպարյանից, փառատոնին կմասնակցեն նաև նրա թոռը` Ջիվան Գասպարյան կրտսերը, ինչպես նաև Գևորգ Դաբաղյանը, Գեորգի Մինասովը, Կամո Սեյրանյանը, Գագիկ Մալխասյանը, Հովհաննես Ղազարյանը, Նորայր Բարսեղյանը, Մարտին Ղազարյանը, Վիտալի Պողոսյանը, Էմանուել Հովհաննիսյանը։
Ելույթ կունենան նաև Argishty, «Դուդուկահար» համույթները, «Ուրարտու» դուդուկի քառյակը, ամենաերիտասարդ մասնակիցը կլինի Թաթուլ Համբարձումյանը։
Դուդուկի փառատոնն ամենամյա է, և հաջորդ տարի այն կանցկացվի միանգամից երեք երկրներում։
Փառատոնի կազմակերպիչը dudukist.ru նախագիծն է` Ռուսաստանի հայ երիտասարդության կոնգրեսի աջակցությամբ։
Ջիվան Գասպարյանը մանկուց դուդուկ է նվագել, 1948 թ.–ին դարձել է ազգային երգ ու պարի համույթի անդամ, կանոնավոր կերպով ներկայացրել է Հայկական ԽՍՀ–ն միջազգային հեղինակավոր մրցույթներում։ Նա աշխատել է այնպիսի երաժիշտների հետ, ինչպիսիք են Պիտեր Գեբրիելը, Հանս Ցիմերը, Բրայան Մեյը, Բորիս Գրեբենշչիկովը։
2000 թ.–ին հայ երաժիշտը դարձել է «Գլադիատոր» հոլիվուդյան բլոքբաստերի երաժշտության հեղինակը` արժանանալով «Ոսկե գլոբուս» մրցանակին։ Դուդուկի թեման է գրել «Քրիստոսի վերջին տառապանքները» ֆիլմի համար։
Երաժիշտն արժանացել է ՅՈւՆԵՍԿՕ–ի չորս մեդալի և Wоmex (World Music Expo) մրցանակի` «Երաժշտարվեստում ունեցած վաստակի համար»։
Փառատոնի կազմակերպիչը dudukist.ru նախագիծն է` Ռուսաստանի հայ երիտասարդության կոնգրեսի աջակցությամբ։
Ջիվան Գասպարյանը մանկուց դուդուկ է նվագել, 1948 թ.–ին դարձել է ազգային երգ ու պարի համույթի անդամ, կանոնավոր կերպով ներկայացրել է Հայկական ԽՍՀ–ն միջազգային հեղինակավոր մրցույթներում։ Նա աշխատել է այնպիսի երաժիշտների հետ, ինչպիսիք են Պիտեր Գեբրիելը, Հանս Ցիմերը, Բրայան Մեյը, Բորիս Գրեբենշչիկովը։
2000 թ.–ին հայ երաժիշտը դարձել է «Գլադիատոր» հոլիվուդյան բլոքբաստերի երաժշտության հեղինակը` արժանանալով «Ոսկե գլոբուս» մրցանակին։ Դուդուկի թեման է գրել «Քրիստոսի վերջին տառապանքները» ֆիլմի համար։
Երաժիշտն արժանացել է ՅՈւՆԵՍԿՕ–ի չորս մեդալի և Wоmex (World Music Expo) մրցանակի` «Երաժշտարվեստում ունեցած վաստակի համար»։
