Էներգետիկայի նախկին նախարար Արմեն Մովսիսյանը մահացել է Գերմանիայում

ԵՐԵՎԱՆ, 22 սեպտեմբերի — Sputnik. Հայաստանի Էներգետիկայի նախկին նախարար Արմեն Մովսիսյանը մահացել է Գերմանիայում կյանքի 53–րդ տարում, հայտնում են տեղական ԶԼՄ–ները։ 

Ավելի վաղ Մովսիսյանի մոտ ախտորոշվել էր ուռուցքային հիվանդություն, և նա երկար ժամանակ բուժման կուրս է անցել արտերկրում։

Արմեն Մովսիսյանը ծնվել է 1962 թվականի հունվարի 13–ին Կապան քաղաքում։ Ավարտել է Երևանի պոլիտեխնիկական ինստիտուտը և Թեթև արդյունաբերության համամիութենական ինստիտուտը։ Արմեն Մովսիսյանն աշխատել է Կապանի «Էլեկտրոն» գործարանի, «Սյունիքի մարզային էլեկտրացանց» ընկերության տնօրեն, «Հարավային էլեկտրացանց» ՊՓԲԸ գործադիր տնօրեն։

2001-2004 թվականներին զբաղեցրել է էներգետիկայի նախարարի պաշտոնը, իսկ 2014 թվականի մայիսից եղել է Հայաստանի նախագահի խորհրդական։