Մարիամ Մերաբովա. Երևանը ջազի Մեքքան է

Իր հզոր ձայնով, անմիջականությամբ և հարուստ երգացանկով Մարիամ Մերաբովան, կարծես անհնարինն արեց` ստիպեց հավատալ, որ ջազը, ինչպես և կյանքը երբեք չի ավարտվում: Երեկոն ջազի ոճում չանցավ նաև առանց անակնկալների:

«Ինձ համար մեծ պատիվ է լեգենդ Էռնա Յուզբաշյանի հետ դուետ կատարելը: Ես համոզեցի նրան երգել «Երջանկության հարյուր ժամ» երգը», — ասաց Մերաբովան:

Ջազը, Մերաբովայի կարծիքով, կյանք է, քանի որ ամբողջությամբ հիմնված է իմպրովիզացիաների վրա:

«Մենք կարող ենք ենթադրել, ծրագրեր կազմել, սակայն Աստված միշտ այլ բան է ուղարկում և մեր խնդիրն է` հանպատրաստից ստեղծագործելը», — կարծում է երգչուհին:

Էռնա Յուզբաշյանը, ում մասնակցությունը, Մերաբովային համերգին անակնկալ էր, քանի որ նա հրավիրված էր որպես հյուր, համերգի սկզբին կիսվեց փառատոնից իր տպավորություններով և Հայաստանում ջազի ճակատակգրի վերաբերյալ իր մտքերով:

«Եթե Հայաստանում կա նման հիասքանչ նվագախումբ Արմեն Հյուսնունցի ղեկավարությամբ, նվագախումբ, որը հնչում է անիրական գեղեցիկ և պրոֆեսիոնալ, ես կարծում եմ, որ Հայաստանում ջազի ապագան ապահովված է: Ես նույնիսկ չեմ խոսում այնպիսի տիտաների մասին, ինչպիսիք են Լևոն Մալխասյանը, Վահագն Հայրապետյանը, բոլորին թվարկել ես պարզապես չեմ կարող: Ես կարծում եմ, որ ջազի հետ Հայաստանում ամեն ինչ հրաշալի է», — ասաց Յուզբաշյանը:

Երգչուհին նաև համոզված է նրանում, որ Yerevan Jazz Fest 2015 կարելի է հաջողված համարել:

«Փառատոնը պետք է ամենամյա դառնա, քանի որ սա` աստվածային երաժշտության իրադարձություն է, բարի ջազային մթնոլորտ, այն վեհացնում է մարդկանց, նրանց լրիվ այլ է դարձնում, միանգամայն այլ մթնոլորտի տրամադրում: Չէ որ ջազը օդ է, տրամադրություն, դրայվ, այն ամեն ինչ է…», — կարծում է երգչուհին