ԵՐԵՎԱՆ, 13 սեպտեմբերի- Sputnik. Վրաստանի մայրաքաղաք Թբիլիսիում ավարտվել է «Միսս մոլորակ 2015» գեղեցկության մրցույթը:
Մրցույթում Հայաստանը ներկայացնող 17-ամյա Դայանա Դավթյանն արժանացել է «Միսս էլեգանտ» տիտղոսին: «Միսս մոլորակ 2015» հաղթող է դարձել Վրաստանը ներկայացնող գեղեցկուհին՝ Թինաթին Բաբլուանին:
«Միսս մոլորակ 2015» գեղեցկության մրցույթն անցկացվել է Վրաստանի մայրաքաղաք Թբիլիսիում սեպտեմբերի 6-ից 13-ն ընկած ժամանակահատվածում: 30 երկրների ներկայացուցիչների շարքում առաջին անգամ մրցույթին մասնակցել է նաև Հայաստանը, որը ներկայացրել է 17-ամյա Դայանա Դավթյանը։
