ԵՐԵՎԱՆ, 12 սեպտեմբերի– Sputnik. ՀՀ նախագահ Սերժ Սարգսյանը ցավակցական հեռագիր է հղել Զույգ Սրբավայրերի Պահապան Սաուդյան Արաբիայի Թագավորության Թագավոր Սալման Բին Աբդուլ Ազիզ Ալ Սաուդին՝ Մեքքայի մզկիթում տեղի ունեցած ողբերգական դեպքի կապակցությամբ, որի հետևանքով զոհվել և տարբեր աստիճանի վնասվածքներ են ստացել բազմաթիվ մարդիկ, հաղորդում է ՀՀ նախագահի մամուլի ծառայությունը:
Երեկ Մեքքայում, Ալ Հարամ մզկիթում վերամբարձ կռունկի ընկնելու հետևանքով 107 մարդ է մահացել, 238–ը` վիրավորվել։ Վայր ընկնելու պատճառը կարող էին լինել հորդառատ անձրևներն ու քամիները։
«Այս տխուր առիթով իմ խորին ցավակցություն եմ հայտնում Ձեզ, Սաուդյան Արաբիայի ժողովրդին և զոհվածների հարազատներին ու մերձավորներին՝ մաղթելով տոկունություն և ոգու արիություն, իսկ վիրավորներին` շուտափույթ ապաքինում»,-ասված է ՀՀ նախագահի ցավակցական հեռագրում:
Սերժ Սարգսյանը ցավակցական հեռագիր է հղել Մեքքայում տեղի ունեցած ողբերգության կապակցությամբ
© Photo : ARKA news agency
Բաժանորդագրվել
Նախագահ Սարգսյանը զոհվածների հարազատներին ու մերձավորներին մաղթել է տոկունություն և ոգու արիություն, իսկ վիրավորներին` շուտափույթ ապաքինում
