ԵՐԵՎԱՆ, 11 սեպտեմբերի– Sputnik. Երևանի Ազատության հրապարակում այս րոպեներին ընթացող ցույցի մասնակիցների մեջ սադրիչներ կան, հայտարարեց Երևանի փոխոստիկանապետ, գնդապետ Վալերի Օսիպյանը։
Ցույցը կազմակերպել է «Ոչ թալանին» նախաձեռնող խումբը` էլեկտրաէներգիայի թանկացման դեմ ընթացող բողոքի ակցիաների հերթական փուլի շրջանակում։
«Ոստիկանությունն այլևս չի պատրաստվում հանդուրժողականություն դրսևորել և կկանխի Բաղրամյան պողոտա հասնելու` ցուցարարների ցանկացած փորձ», – հայտարարեց Օսիպյանը։
Ինչպես հաղորդում է Sputnik Արմենիա պորտալի թղթակիցը դեպքի վայրից, այս պահին հրապարակում իրավիճակը խաղաղ է, այնտեղ հավաքվել են մի քանի տասնյակ մարդիկ, սակայն մարդկանց հոսքը շարունակվում է։ Ժողովուրդը հանգիստ շփվում է։
«Ոչ թալանին» խմբի անդամ Մաքսիմ Սարգսյանն իր հերթին հայտարարեց, որ ցուցարարների շրջանում միակ սադրիչները քաղաքացիական հագուստով` ոստիկանության ներկայացուցիչներն են։
«Հիմա մենք պայքարելու ենք մինչև վերջ, մինչև չչեղարկվի էլեկտրաէներգիայի սակագների բարձրացման որոշումը։ Մենք ոչ մի բանակցությունների չենք գնա… Մենք վերջնականապես կորցրեցին մեր վստահությունն իշխանությունների նկատմամբ», – հայտարարեց Սարգսյանը։
Ցույցի կազմակերպիչները պատրաստվում են կազմակերպել քայլերթ մայրաքաղաքի կենտրոնական փողոցներով։
Ոստիկանություն. Երևանում անցկացվող ցույցի մասնակիցների մեջ սադրիչներ կան
© Sputnik / Асатур Есаянц
Բաժանորդագրվել
Ցույցը կազմակերպել է «Ոչ թալանին» նախաձեռնող խումբը` էլեկտրաէներգիայի թանկացման դեմ ընթացող բողոքի ակցիաների հերթական փուլի շրջանակում։
