ԵՐԵՎԱՆ, 11 սեպտեմբերի — Sputnik. Դերասան Վարդան Պետրոսյանը սեպտեմբերի 10-ից աշխատանքի է գնում: Այդ մասին Sputnik Արմենիային տեղեկացրեց ԱՆ Քրեակատարողական վարչության լրատվական ծառայության ղեկավար Գոռ Ղլեչյանը:
Նա նշեց, որ ԱՆ ՔԿՎ-ն հաստատել է դերասան Վարդան Պետրոսյանին աշխատանքի ընդունելու նպատակով «Օվացիա» պրոդյուսերական ընկերության պայմանագիրը:
Վարդան Պետրոսյանը պրոդյուսերական ընկերությունում կաշխատի որպես պրոդյուսեր։
Հիշեցնենք, որ 2013թ.–ի հոկտեմբերի 20-ին Եղվարդ-Երևան մայրուղու վրա դերասանի մեքենան բախվել էր մեկ այլ մեքենայի, որի հետևանքով 7 մարդու տեղափոխել էին հիվանդանոց, այդ թվում` Վարդան Պետրոսյանին։ Ավելի ուշ տուժածներից երկուսը մահացել էին։
Փաստի առթիվ հարուցվել էր քրեական գործ՝ ՀՀ Քրեական օրենսգրքի 242 հոդվածի 3-րդ մասով: Վարդան Պետրոսյանը ձերբակալվել էր: Դատաքննությունը սկսվեց 2014 թվականի մարտի 12-ին: Հայաստանի Կոտայքի մարզի ընդհանուր իրավասության դատարանը 2015թ.-ի հունվարի 29-ին մեղավոր ճանաչեց Վարդան Պետրոսյանին՝ նրան դատապարտելով 5 տարի ժամկետով ազատազրկման:
Վարդան Պետրոսյանն այսուհետև իր պատիժը կրելու է «Վարդաշեն» քրեակատարողական հիմնարկում, բաց ռեժիմով: Բաց ռեժիմի պայմանների դեպքում կալանավորները ՔԿՀ տարածքից դուրս են գալիս առավոտյան ժամը 8-ից մինչև երեկոյան ժամը 20.00-ն բաց են թողնվում քրեակատարողական հիմնարկից ու այդ ընթացքում ազատ են իրենց գործողությունների մեջ: Իսկ երեկոյան նշված ժամին նրանք պետք է վերադառնան կալանավայր և գիշերեն այնտեղ:
Վարդան Պետրոսյանն արդեն աշխատանքի է գնում
09:03 11.09.2015 (Թարմացված է: 10:33 11.09.2015)
© Photo : Armenpress
Բաժանորդագրվել
ԱՆ ՔԿՎ-ն հաստատել է դերասան Վարդան Պետրոսյանին աշխատանքի ընդունելու նպատակով «Օվացիա» պրոդյուսերական ընկերության պայմանագիրը
