Փորձագետ. դոլարի զանգվածի կրճատումը կսահմանափակի Հայաստանի հնարավորությունները

ԵՐԵՎԱՆ, 9 սեպտեմբերի – Sputnik. Դոլարի զանգվածի կրճատումը Հայաստանում, ռուսական ռուբլու ընդլայնման հաշվին, կսահմանափակի հանրապետության արտաքին առևտրային հնարավորությունները, Sputnik Արմենիա ռադիոյի եթերում ասել է Գործատուների միության նախագահ, տնտեսագետ Գագիկ Մակարյանը։

«Այս տարվանից մենք արդեն ուժեղ սկսել ենք գտնվել ռուսական ռուբլու ազդեցության գոտում, այն սկսել է բավական գերիշխող դիրք զբաղեցնել հայկական շուկայում, ոչ թե առևտրի և տնտեսական օգտագործման տեսանկյունից, այլ ուղղակի զուտ որպես փողի զանգված, որովհետև մեր բոլոր տրանսֆերտները սկսել են գալ ռուբլով, այդ ամենը վճարվում են ռուբլով և արհեստականորեն ռուբլին հակակշռել դոլարին, և Հայաստանը մեծ քանակի ռուբլի է կուտակում»,– նշել է Մակարյանը։ Նրա տվյալներով` եթե տարվա կտրվածքով նայենք, մինչև 1.5 միլիարդ ռուբլի լինի միայն արտահանման կամ տրանսֆերտների հաշվին։

«Մեր արտաքին առևտուրը, ներմուծումը գերազանցում է արտահանմանը, և ներմուծման բավական մեծ մասը պայմանավորված է Եվրոպական և աշխարհի այլ երկրներով, որոնց հետ մենք աշխատում ենք դոլարով կան Եվրոյով ոչ թե ռուբլ,ով, հետևաբար դոլարի զանգվածի կրճատումը կամ Եվրոյի կիրառության կրճատումը կսահմանափակի մեր արտաքին առևտրի որոշակի հնարավորությունները»,– նշել է Մակարյանը։

Հետևաբար, նրա խոսքով, ստացվում է, որ Հայաստանը պետք է հայացքն ուղղի մաքսային միության երկրների կողմը, մանավանդ, որ խոսակցություն է գնում, որ ռուբլին լինի միացյալ գումար ժանակավոր փոխարինող դրամ կամ մշտական, հետևաբար Հայաստանը պետք է իր ապրանքները սկսի բերել Ռուսաստանից, Բելառուսից կամ Ղազախստանից, հիմնականում Ռուսաստանից,– ասել է նա։

ԵՏՄ–ն միջազգային ինտեգրացիոն տնտեսական միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է այս տարվա հունվարի 1–ից։

Այժմ ԵՏՄ անդամներ են Ռուսաստանը, Հայաստանը, Բելառուսը, Ղազախստանը և Ղրղզստանը։