ԵՐԵՎԱՆ, 21 օգոստոսի – Sputnik. Հունաստանի կառավարության հրաժարականի պատճառն անհամապատասխանությունն էր այն ծրագրին, որին կողմ էր արտահայտվել ազգը, կարծում է ՌԴ Դաշնային խորհրդի տնտեսական կոմիտեի ղեկավարի տեղակալ Սերգեյ Շատիրովը։
«Կստանա՞, արդյոք, նոր կառավարությունը ժողովրդի վստահությունը, ցույց կտան ընտրությունները»,– նշեց նա։
Հունաստանի նախագահը մտադիր է «Նոր ժողովրդավարություն» աջակենտրոն կուսակցության առաջնորդ Վանգելիս Մեյմարակիսին առաջարկել կառավարություն ձևավորել կաբինետի ղեկավար Ալեքսիս Ցիպրասի հրաժարականից հետո։
«Ցիպրասն ակնհայտորեն չի համապատասխանում իշխանական Օլիմպոս բարձրանալուն և ժողովրդի վստահության մանդատը ստանալուն` իր հետագա ձեռնարկած քայլերով (տնտեսական ճգնաժամից դուրս գալու ուղղությամբ)»,– ուրբաթ ասել է Շատիրովը։
«Իսկ առայժմ ակնհայտ անհամապատասխանություն կա ազգի ընտրած ծրագրի և արդյունքում ստացածի միջև»,– ասել է նա։
Սենատորը դժվարացել է պատասխանել այն հարցին, թե արդյո՞ք Ռուսաստանը կօժանդակի Հունաստանին տվյալ իրավիճակում։
«Պետք է սպասել, որ նրանք դիմեն։ Այդ ժամանակ էլ կքննարկենք հարցը»,– կարծում է նա։
