ԵՐԵՎԱՆ, 20 օգոստոսի– Sputnik. ՀՀ ԱԳՆ–ն ճշտում է Կահիրեում գրանցված պայթյունից տուժածների շրջանում հայերի կամ Հայաստանի քաղաքացիների առկայության մասին տեղեկությունը, «Sputnik-Արմենիա» պորտալին տեղեկացրին ՀՀ ԱԳՆ–ի մամուլի ծառայությունից։
Հինգշաբթի առավոտյան հզոր պայթյուն է գրանցվել Կահիրեի մերձակայքում, Եգիպտոսի անվտանգության ուժերի վարչության և դատարանի շենքից ոչ հեռու։ Եգիպտոսի առողջապահության նախարարության վերջին տվյալով` տուժածների թիվը հասնում է 27–ի, որոնցից յոթը ոստիկաններ են։
«Այդ տեղեկությունը ճշտելու համար մենք կապ ենք հաստատել Կահիրեի դեսպանատան հետ»,– հայտնեցին ԱԳՆ–ի մամուլի ծառայությունից։
ՆԳՆ–ի տվյալով` անհայտ անձը ավտոմեքենան կայանել է անվտանգության վարչության շենքի մոտ, իսկ ինքը հեռացել մոտոցիկլետով։
Պայթյունի հետևանքով փլվել են ոչ միայն անվտանգության վարչության շենքի, այլև մոտական խանութների և բնակելի տների ճակատային հատվածները։
Ներկա պահին տարածաշրջանում գործող ոչ մի ահաբեկչական խմբավորում պայթյունի պատասխանատվությունն իր վրա չի վերցրել։
ՆԳՆ–ի տվյալով` անհայտ անձը ավտոմեքենան կայանել է անվտանգության վարչության շենքի մոտ, իսկ ինքը հեռացել մոտոցիկլետով։
Պայթյունի հետևանքով փլվել են ոչ միայն անվտանգության վարչության շենքի, այլև մոտական խանութների և բնակելի տների ճակատային հատվածները։
Ներկա պահին տարածաշրջանում գործող ոչ մի ահաբեկչական խմբավորում պայթյունի պատասխանատվությունն իր վրա չի վերցրել։
