ԵՐԵՎԱՆ, 12 օգոստոսի– Sputnik. Հինգերորդ կայազորային ռազմական դատարանի դատավճիռը դասալքության, զենքի հափշտակության մեղադրանքով ռուս զինծառայող Վալերի Պերմյակովի դատավճիռը կարող է հրապարակվել արդեն այսօր, ենթադրաբար, տեղական ժամանակով մինչև 19։00 (Մոսկվայի ժամանակով 17.00), հայտնում է «Sputnik-Արմենիա»–ի թղթակիցը` վկայաբերելով դատարանի աղբյուրին։
Ներկա պահին նիստում, որն անցկացվում է Գյումրու ռուսական 102–րդ ռուսական ռազմակայանի տարածքում, ներկայացվում են գործով փորձաքննությունների եզրակացությունները, վկաների հարցաքննությունն արդեն ավարտվել է։
Պերմյակովը ձերբակալվել է յոթ հոգանոց ընտանիքի սպանության կասկածանքով, որը կատարվել է հունվարի 12–ին Գյումրիում։ Սպանության մասին գործը քննելու է հայկական դատարանը, իսկ ռուսական իրավապահ մարմինները Պերմյակովին դասալքության և զենքի հափշտակման մեղադրանք են ներկայացրել։
Այնուհետև ընթերցվել են նախաքննության ընթացքում նրա տված ցուցմունքները։ Հարցաքննությունների ընթացքում Պերմյակովը հայտարարել է, որ չի ցանկացել որևէ մեկի սպանել, նա փախել է զորամասից, որ Թուրքիայի տարածքով Ռուսաստան վերադառնա։ Նա ասել է, որ պատահաբար է մտել Ավետիսյանների տուն և այնտեղ մնացել է ընդամենը 10-15 րոպե։ Նա փող և արժեքավոր իրեր էր փնտրում, բայց վախեցել է և կրակել նրանց վրա, հետո փախել է։
Պերմյակովին սահմանայինները ձերբակալել են Թուրքիայի տարածք անցնելու փորձի ժամանակ։
Նրանից հետո, երբ մեղադրողն ընթերցել է մեղադրական եզրակացությունը, Պերմյակովը հաստատել է ցուցմունքների հավաստիությունը։
Վկաների հարցաքննության ժամանակ 102–րդ ռազմակայանի հրամանատարը, ով ներկայացնում էր տուժած կողմը, գեներալ–մայոր Վլադիմիր Ուստինովը հայտնել է, որ այս տարվա հունվարի ողբերգական իրադարձություններից առաջ շարքային Պերմյակովի որևէ բողոք չի ստացվել։
Հարցաքննության ընթացքում Նիկիշինը դրական բնութագիր է տվել Պերմյակովին, ասելով, որ կոլեկտիվի հետ խնդիրների մասին ոչ մի բողոք չի եղել։
Նիստում հրապարակվել են փորձաքննության արդյունքները, որոնց համաձայն, Պերմյակովը հանցագործության կատարման պահին մեղսունակ է եղել` նա հարբած չի եղել, թմրանյութեր չի օգտագործել, չի գտնվել աֆեկտի վիճակում։
Սակայն դատարանը փորձաքննության արդյունքները դիտարկման չի ընդունել` հաշվի առնելով փաստաբանի միջնորդությունը, ով հայտարարել է, որ Պերմյակովի` դասալքություն կատարելու որոշումն ինքնուրույն է կայացվել։ Պաշտպանն առաջարկել է այդ ապացույցները ներկայացնել արդեն Ավետիսյանների ընտանիքի սպանության մասին քրեական գործի շրջանակում։
