Համահայկական խաղերի շրջանակում հեծանվային մրցումներ են անցկացվել

Համահայկական խաղերի շրջանակում հեծանվային մրցումներն անցել են Էջմիածին–Ակնալիճ մայրուղով, «Sputnik –Արմենիա»–ին տեղեկացրել են խաղերի մամուլի ծառայությունից։ 15 կմ հեռավորության վրա տղամարդկանց մրցումներում առաջինը եզրագծին հասել է Լիբանանը ներկայացնող Գևորգ Ալթունյանը, երկրորդ տեղը զբաղեցրել է Արխիմադրիտո Արմանտոն (Կիպրոս), երրորդը` Դավիթ Մկրտչյանը (Երևան, Հայաստան)։ 15 կմ հեռավորության վրա կանանց մրցումներում հաղթել է Գարոլ Բոյաջյանը (Լիբանան), երկրորդ տեղում է Նարե Պետրոսյանը (Աբովյան, Հայաստան), երրորդ տեղում է Մարիամ Մարգարյանը (Երևան, Հայաստան)։

Ամառային վեցերորդ համահայկական խաղերը տեղի են ունենում օգոստոսի 3-13–ը, մրցումներին մասնակցում են ավելի քան 6,35 հազար հայ մարզիկներ աշխարհի 36 երկրների 175 քաղաքներից։ Ա.Թ.