ԵՐԵՎԱՆ, 4 օգոստոսի– Sputnik. Ֆեմինիզմը և կնոջ դերը կինոարվեստում կդառնան Թբիլիսիի 16–րդ միջազգային կինոփառատոնի գլխավոր թեման, որն անցկացվելու է նոյեմբերի 30–ից դեկտեմբերի 6–ը, հաղորդվում է փառատոնի պաշտոնական կայքում։
Ըստ ավանդույթի Թբիլիսիի միջազգային կինոփառատոնն ամեն տարի ընտրում է միջոցառման հիմնական թեման և գունային գամման։ Անցած տարի կինոֆորումի թեմատիկան կանաչ էր, այն նվիրված էր բնապահպանությանը և ուրբանիզացիային։
2015թ.–ի Թբիլիսիի միջազգային կինոփառատոնի գույնը մանուշակագույնն է։ Կազմակերպիչների խոսքով` փառատոնը նվիրված է կանանց իրավունքներին։
«Միջազգային կինոաշխատանքների ֆոնին կդիտարկվեն նաև կարևոր թեմաներ, ինչպիսիք են ֆեմինիզմը, գենդերային հավասարությունը, կանանց քաղաքական, սոցիալական և մշակութային կայացումը, կանանց նկատմամբ բռնությունը, կանանց կինոն և կինն արվեստում»,– ասվում է կինոփառատոնի պաշտոնական կայքում։
«Երկիրը ֆոկուսի մեջ» բաժինն այս տարի տրամադրվելու է Շվեյցարիային։ Բաժնի շրջանակում կինոփառատոնում կցուցադրեն շվեյցարացի ռեժիսորների մինչև տասը գեղարվեստական և վավերագրական ֆիլմեր։
Թբիլիսիի միջազգային կինոփառատոնի պաշտոնական մրցանակը «Ոսկե Պրոմեթևսն» է լավագույն ֆիլմի համար և «Արծաթե Պրոմեթևսը»` լավագույն ռեժիսուրայի համար։
Անցած տարի մրցույթի լավագույն ֆիլմ է ճանաչվել Լաշա Ցկվիտինիձեի «Ես Բեսոն եմ» ֆիլմը։ Լավագույն ռեժիսորական աշխատանքի համար մրցանակը ստացել է Նուցա Ալեքսի Մեսխիշվիլին «Վարկի լիմիտ» ֆիլմի համար։
Ֆեմինիզմը` 2015թ. Թբիլիսիի միջազգային կինոփառատոնի թեմա
18:42 04.08.2015 (Թարմացված է: 18:47 04.08.2015)
Բաժանորդագրվել
Թբիլիսիի միջազգային կինոփառատոնի պաշտոնական մրցանակը «Ոսկե Պրոմեթևսն» է լավագույն ֆիլմի համար և «Արծաթե Պրոմեթևսը»` լավագույն ռեժիսուրայի համար
