Խելահեղ տեսարան. Թաիթիում էքստրեմալը մոտոցիկլետով սահում է ալիքների վրայով

ԵՐԵՎԱՆ, 4 օգոստոսի – Sputnik. Ավստրալիացի էքստրեմալ Ռոբի Մեդիսոնը որոշել է մոտոցիկլետով շրջել Թաիթիի հսկայական ալիքների վրայով։ Խելահեղ հնարքն իրագործելու համար երկու տարի է պահանջվել, գրում է Daily Mail–ը։

34-ամյա Մեդիսոնը համացանցում տեսանյութ է տեղադրել և անվանել «Pipe dream» (Անիրականանալի երազանք)։ Պարզ երևում է, թե ինչպես է նա մոտոցիկլետով «նվաճում» Խաղաղ օվկիանոսի ալիքները։ Տեսանյութը մեկ օրվա ընթացքում դիտել են շուրջ 4 միլիոն անգամ։

Էքստրեմալի մոտոցիկլետն ունի հատուկ դահուկային սահնակակողեր, իսկ ձևափոխված հետնամասը թիավարող անիվի դեր է կատարում։ «Ես վատ կանխազգացում ունեի, որ դա կարող է սպանել ինձ», – խոստովանել է Մեդիսոնը։

Ինչպես նշում է առցանց պարբերականը, սա Մեդիսոնի առաջին էքստրեմալ փորձը չէ։

Ադրենալինի սիրահարը նկարահանվել է «Սքայֆոլ» ֆիլմում որպես Դենիել Քրեյգ «007 գործակալ»–ի կասկադյոր և փոխարինող։

Նա նաև ցատկել է Հունաստանում Կորինֆի ջրանցքի վրայով և սալտո է կատարել Լոնդոնի Թաուերի կամրջից թռչելիս։