ԵՐԵՎԱՆ, 4 օգոստոսի – Sputnik. Իրանի ատոմային ծրագրի համաձայնագրի լիարժեք իրականացումը կնպաստի տարածաշրջանում անվտանգության պահպանմանը, երկուշաբթի հայտարարել են ԱՄՆ դիվանագիտական վարչության և Պարսից ծոցի արաբական պետությունների համագործակցության խորհրդի (ՊԾԱՊՀԽ) ղեկավարները։
«Նախարարները համակարծիք են, որ միայն գործողությունների համապարփակ ծրագիրը կնպաստի երկարաժամկետ անվտանգության պահպանմանը», – ասվում է հանդիպման արդյունքում հրապարակված դիմումի մեջ, որի տեքստը տարածել է ԱՄՆ պետդեպարտամենտը։
Փաստաթղթում նշվում է, որ խոսքը «Իրանի ռազմական ատոմային հնարավորությունների զարգացումը թույլ չտալու մասին է»։
«Նախարարները կոչ են արել Իրանին հարգել իր պարտավորությունները տվյալ ծրագրի շրջանակում և ատոմային զենքը չտարածելու մասին պայմանագրի և ՄԱԿ–ի անվտանգության խորհրդի համապատասխան բանաձևի շրջանակում ստանձնած պարտավորությունները»։
Իրանն ու միջազգային բանակցողների «վեցյակը» իրանական ատոմի բազմամյա խնդրի կարգավորման հարցի վերաբերյալ պատմական համաձայնության են եկել հուլիսի 14-ի գիշերը։ Մի քանի ամիս տևած բանակցությունների ավարտին ընդունվել է համատեղ գործողությունների ծրագիր, որի իրականացման արդյունքում Իրանը կկարողանա ազատվել ՄԱԿ–ի ԱԽ–ի, ԱՄՆ–ի և ԵՄ–ի սահմանած տնտեսական և ֆինանսական պատժամիջոցներից։ Համաձայնագիրը կքննարկվի ԱՄՆ–ի կոնգրեսում։
ՊԾԱՊՀԽ. Իրանի համաձայնագիրը տարածաշրջանն ավելի անվտանգ կդարձնի
© Sputnik / Виталий Белоусов
/ Բաժանորդագրվել
Երկուշաբթի Դոհայում հանդիպման ժամանակ ԱՄՆ դիվանագիտական վարչության և Պարսից ծոցի արաբական պետությունների համագործակցության խորհրդի ղեկավարները համաձայնության են եկել, որ միայն համատեղ գործողությունների ծրագրի իրականացումը կնպաստի երկարատև անվտանգությանը
