Մոսկվա–Երևան–Ղարաբաղ մոտովազքին մասնակցում է ընդհանուր առմամբ շուրջ 100 մարդ` բաժանված երկու խմբերի
«Մենք հանուն խաղաղության» շարժման անդամները, որոնք կազմակերպել են Մոսկվա–Երևան–Ղարաբաղ մոտովազքը, օգոստոսի 1–ին ժամանել են Երևան։ Բայքերները մոտովազք կանցկացնեն Հայաստանի տարածքում, ինչպես նաև կուղղորդվեն Լեռնային Ղարաբաղ։ Երևանում մոտոցիկլիստները նախատեսում են այցելել Հայոց ցեղասպանության զոհերի հուշահամալիր` «Ծիծեռնակաբերդ»։ Մոտովազքի նպատակների, մասնակիցների կազմի, «Գիշերային գայլերի» բացակայության պատճառների մասին «Sputnik-Արմենիա» կայքին պատմեց Երևան ժամանած բայքերների ներկայացուցիչ Անի Մարգարյանը։
Պատմեք մոտովազքի նպատակների մասին, ի՞նչ երկրներ են նախատեսում այցելել։
«Մենք հանուն խաղաղությունը» ռուսական շարժում է, սակայն նրա կազմակերպիչներն ազգությամբ հայ են, և մենք ոչ մի կերպ չէինք կարող շրջանցել Հայոց ցեղասպանության 100–ամյակի թեման։ Դրա հետ կապված` մենք որոշեցինք, որ անհրաժեշտ է ինչ–որ բան կազմակերպել Հայոց ցեղասպանության զոհերի հիշատակին, և քանի որ մեր շարժման մասնակիցների մեծամասնությունը բայքերներ են, որոշեցինք փորձարկել ճանապարհը։ Մենք Մոսկվայից Վրաստանի տարածքով հասանք Երևան, իսկ հետո կուղևորվենք Ղարաբաղ։ Այս տարի մենք այլևս չեն ծրագրում արտասահմանյան մոտովազքեր։
ԶԼՄ–ներում տեղեկատվություն էր հայտնվել այն մասին, որ Հայաստան պետք է ժամանեին «Գիշերային գայլերը», բայց այդ տեղեկությունները չհաստատվեցին, և նրանց փոխարեն ժամանեցիք դուք։ Կարո՞ք եք մեկնաբանել ստեղծված իրավիճակը։
Ամեն ինչի պատճառը տեքստի ոչ պրոֆեսիոնալ թարգմանությունն է։ Բանն այն է, որ լրագրողը սխալ է թարգմանել տեքստը ռուսերենից հայերեն` մեր մոտովազքի գլխավոր կազմակերպիչ Զորիկ Թովմասյանին անվանելով «Գիշերային գայլերի» անդամ։
Ինչպե՞ս է դրսևորվում նրանց աջակցությունը։
Մեր մոտովազքի կազմակերպիչ Զորիկ Թովմասյանը սերտ կապերի մեջ է «Գիշերային գայլերի» ներկայացուցիչների հետ, նրանց գաղափարախոսությունը շատ հարցերում համընկնում է մեր հետ։ Նրանք մեզ տեխնիկապես օգնում են։ Ռուսաստանի բոլոր քաղաքներում, որոնց տարածքներով անցել է մեր մոտոշարասյունը, «Գիշերային գայլերն» իրենց բայք–կենտրոններում մեզ տեխնիկական աջակցություն են ցուցաբերել։ Եվ դա միակ բանն է, որով նրանք կապ ունեն այս միջոցառման հետ։
Քանի՞ մարդ է մասնակցում մոտովազքին։
Միջոցառմանն ընդհանուր առմամբ մասնակցում է շուրջ 100 մարդ, սակայն մասնակիցներին մենք բաժանել ենք երկու խմբի։ Առաջին մասը Մոսկվայից հասել է Վրաստանի սահման, իսկ երկրորդը միացել է արդեն Հայաստանում։ Հենց բայքերների երկրորդ խումբը շարասյունով կշարժվի Լեռնային Ղարաբաղ։
