ԵՐԵՎԱՆ, հուլիսի 14– Sputnik. New Horizons ամերիկյան զոնդը 12,5 հազար կմ հեռավորության վրա մոտեցել է Պլուտոնին, հաղորդում է ՌԻԱ Նովոստին` հղում անելով NASA–ին։
Առաքելության ընթացքում մարդու ստեղծած սարքն առաջին անգամ հասել է Երկրից այդքան հեռու կետի։ Սպասվում է, որ գաճաճ մոլորակ Պլուտոնին և դրա արբանյակներին մոտենալու ընթացքում սարքը տվյալներ կհավաքի դրա կազմի, աշխարհագրության, ջերմաստիճանի, մթնոլորտի բովանդակության մասին։
NASA-ի գնահատմամբ` սարքն անցել է Պլուտոնի կողքով Երևանի ժամանակով 15։49–ին, սակայն դրա հաստատումը պետք է լինի միայն 14 ժամ անց, երբ ազդանշան լինի տիեզերական զոնդից։
«New Horizons–ը Պլուտոնի մոտ է 9,5 տարվա ճանապարհորդությունից հետո»,– ասել է NASA–ի հեռարձակման վարողը։ «Սա մարդկության պատմության մեջ հսկայական փուլ է»,– հայտարարել է NASA–ի առաջատար գիտաշխատող Ջոն Գրանսֆիլդը։
NASA–ում տիեզերանավից ազդանշանի են սպասում միայն չորեքշաբթի Երևանի ժամանակով 05։00–ին։ Ստանալով այն` գիտնականները կհամոզվեն, որ զոնգը նորմալ է գործել և խուսափել տիեզերական օբյեկտների հետ բախումից։
New Horizons–ը գործարկվել է 2006–ին և ներկա պահին շատ չափանիշներով ռեկորդակիր է դարձել։ Այն երբևէ մարդու կողմից գործարկված ամենաարագ տիեզերանավն է։ Մարդու ստեղծած առաջին զոնդերից մեկը հասել է Կոյպերի գոտուն, որի ուսումնասիրությունը այն կշարունակի Պլուտոնի համակարգով անցնելուց հետո։
New Horizons-ը մոտեցել է Պլուտոնին 12.5 հազար կմ հեռավորության վրա
© NASA
Բաժանորդագրվել
NASA-ի գնահատմամբ` սարքն անցել է Պլուտոնի կողքով Երևանի ժամանակով 15։49–ին, սակայն դրա հաստատումը պետք է լինի միայն 14 ժամ անց, երբ ազդանշան լինի տիեզերական զոնդից։
